Երևի մենք 30 միլիոն ենք ու մտահոգվելու կարիք չկա․․․

✅Վերջին մեկ օրվա ընթացքում Իտալիայում նոր կորոնավիրուսով վարակվածների թիվն աճել է 1807-ով: Վարակվածների ընդհանուր թիվն անցել է 9 հազարը, մահացել է 463 մարդ: Համաճարակի հետ կապված, երկրի մի շարք բանտերում անկարգություններ են սկսվել։

✅Իսրայելը պարտադիր 14-օրյա կարանտինի ռեժիմ է ներդրել երկիր ժամանող բոլոր անձանց համար: Երկրում կա վարակի հաստատված 42 դեպք, մահվան դեպք չի արձանագրվել:

✅Եվրոպայում վարակվածների թիվն աճում է, Իտալիայից հետո ամենաարագ տարածումը Ֆրանսիայում է՝ գրանցվել է մոտ 1,5 հազար դեպք, մահացել է 30 մարդ: Վարակվածների թվում են մշակույթի նախարարը և Ազգային ժողովի մի քանի պատգամավորներ:

✅Իռլանդիայում, որտեղ հիվանդությունն ախտորոշվել է 24 մարդու մոտ, չեղյալ են հայտարարվել Սուրբ Պատրիկի օրվա բոլոր միջոցառումները:

✅Կորոնավիրուսն արդեն տարածվել է աշխարհի 106 երկրներում՝ ավելի քան 4 հազար մարդու մահվան պատճառ դառնալով: Վերջին տվյալներով՝ ամբողջ աշխարհում վարակված է մոտ 114,5 հազար մարդ:

Այս պահին ընդհանուր առմամբ Հայաստանում առկա է 4 դեպք։ 10 հոգի մեկուսացվել են։

Ամբողջ աշխարհում՝ տիրող ճգնաժամային իրավիճակից ելնելով, միայն Հայաստանն է, որ չի պահպանում կարանտինային ռեժիմի կանոնները։

Հայաստանը Երկիր մոլորակից դուրս է։ Հայերս էլ՝ այլմոլորակային։
Ստեղծված իրավիճակում իշխանությունների՝ մասնավորապես ՀՀ ԱՆ կողմից, սա առնվազն անբարեխիղճ վարքագծի դրսևորում է ՀՀ քաղաքացու նկատմամբ։

Լենա Մկրտչյանի ֆեյսբուքյան էջից