Սամվել Կարապետյանը ընդլայնում է իր բիզնեսը Հայաստանում

Սամվել Կարապետյանին պատկանող «Տաշիր» ընկերությունների խումբը գնել է Սևան-Հրազդան ՀԷԿ-երի կասկադը: «Տաշիր Գրուպն» ավարտել է գործարքը՝ գնելով «ՌուսՀիդրոյից» Միջազգային էներգետիկ ընկերության («ՄԷԿ») ՓԲԸ բաժնետոմսերի փաթեթը, որին պատկանում էր Սևան–Հրազդան ՀԷԿ-ը (561 ՄՎտ):

«ՄԷԿ» ՓԲԸ-ն «Տաշիր» ընկերությունների խմբին է վաճառել բաժնետոմսերի 90%-ը:

Ըստ 2019-ի դեկտեմբերին կնքված պայմանագրի, «Տաշիրն» ամբողջությամբ մարել է «ՄԷԿ»-ի վարկային պարտավորությունները:

Գնելով Սևան-Հրազդան ՀԷԿ-ը՝ «Տաշիրն» ընդլայնել է ներկայությունը ՀՀ էներգետիկ հատվածում:

Կասկադի արժեքը կազմել է մոտ 173 միլիոն ռուբլի (մոտ 2,7 մլն դոլար):

Սևան-Հրազդան Կասկադը կազմված է 7 առանձին ՀԷԿ-երից, 565 ՄՎ ընդհանուր հզորությամբ: Կառուցման գործընթացը տևել է ավելի քան 30 տարի և այն կառուցվել է 1930-1965 թվականներին։ ՀԷԿ-եր, որոնք են Սևանի, Հրազդանի, Արգելի, Արզնիի, Քանաքեռի, Երևան-1-ի և Երևան-3-ի ՀԷԿ-երը։ ՀԷԿ-երը տեղակայված են Հրազդան գետի վրա, օգտագործում են գետի բնական հոսքը և Սևանից հոսող ոռոգման ջուրը, որը հնարավորություն է տալիս ոռոգել Հայաստանի գյուղատնտեսական հողերի 70 %-ը։

Zham.am