Հանրաքվեն որևէ հանրօգուտ նպատակի չի ծառայելու, այլ առաջ է բերելու նոր ու վտանգավոր երևույթներ

17 Փետրվար, 2020 14:45

Դիտել նաև

Փաշինյանի ուղղությամբ խնձոր նետած պապիկի արդարացումը դատախազությանը հանգիստ չի տալիս. փաստաբան Նիկոլ Փաշինյանի արհամարհական ժեստը Ըստ բրիտանական The Guardian-ի՝ Թրամփը սրընթաց կերպով կորցնում է իր հեղինակությունը ԱՄՆ-ում և ողջ աշխարհում «Նիկոլ Անհողինի համերգին Գյումրու Վարդանանց հրապարակը դատարկ է». Գագիկ Համբարյան «Նիկոլի հրահանգով գործեր կարող քննիչները վաղը նրան մեղադրելու են ամենածանր հանցանքների մեջ»․ Նաիրի Հոխիկյան

Երբ ժամանակին ընդդիմադիր Նիկոլ Փաշինյանը քննադատում էր ներկայիս սահմանադրությունը` կոչելով այն Սերժ Սարգսյանի համար կարված սուպերվարչապետական կոստյում, գալով իշխանության, նա մոռացավ իր քննադատությունների մասին և օրակարգից դուրս մղեց սահմանադրության ամբողջական փոփոխումը։ Այդ պահից սկսած` ինձ համար պարզ դարձավ, որ նա հերթական անգամ ստել է` բացասական գնահատելով գործող սահմանադրությունը կամ էլ սկսել է իրեն հարմարավետ զգալ նրանում...

Փորձեր անելով ՍԴ ներկայիս դատավորներին կաշառել և չհասնելով ցանկալի արդյունքի` ապրիլի 5֊ին հանրաքվե է նախաձեռնել, որի միակ նպատակն այն է, որպեսզի հեռացնի ներկայիս կազմը և փոխի նրանց անձամբ իր համար վստահելի կադրերով։ Դա ինձ համար խեղկատակություն է, որպեսզի զուտ սեփական քիմքին հաճո լինելու համար` համապետական հանրաքվե անցկացվի...

Եթե հանրաքվեի նպատակը լիներ, օրինակ` սահմանադրության ավելի լայն փոփոխություններ, այլ ոչ թե այդ մեկ հոդվածը, ապա գուցե ողջունելի լիներ` կախված, թե ինչ մակարդակի փոփոխություններ կնախաձեռնեին իշխանությունները։

Չնայած վերջերս ականատես եղանք, թե ինչպես այդ նույն սահմանադրական փոփոխության նախագիծը, որը նախատեսում էր ընդամենը մեկ հոդված փոխել երեք անգամ Աժ արտահերթ նիստ գումարելու պատճառ դարձավ` պատճառաբանվելով տարբեր տեխնիկական խնդիրներ։ Ինչպես նաև միջազգային կառույցների կողմից խիստ բացասական գնահատականների արժանացավ։ Դա ևս մեկ անգամ ապացուցեց, որ ներկայիս իշխանությունները մեղմ ասած ոչ պրոֆֆեսիոնալ են և ունակ չեն ավելի լայն փոփոխությունների փաթեթ մշակել` այն էլ օրենքի սահմաններում...

Այս սահմանադրական փոփոխությունը կյանքի կոչվելու դեպքում շատ խնդիրներ են առաջ գալու: Օրինակ` չափազանց բարդ է լինելու ապագայում ազատվել այս իշխանություններից, եթե նման հանրային պահանջ ձևավորվի։ Պետք չէ նաև մոռանալ, որ օդում կախված բազում լուրեր կան, թե այս ամենն արվում է նրա համար, որպեսզի ապագայում <<Ստամբուլյան կոնվենցիան>> վավերացվի և այլ վտանգավոր օրինագծեր ևս, որոնց մասին խոսել են շատերը...

Որպեսզի հանրաքվեն չտապալվի` իշխանությունները սև խաղացողներ են փնտրում քաղաքական դաշտում, որոնց հաշվին քարոզարշավը կառուցելով` հանրության անհրաժեշտ թվով քաղաքացիների կտանեն ընտրատեղամասեր, որպեսզի այդ հակասահմանադրական փոփոխությունը կյանքի կոչվի...

Հ.Գ. Քոչարյանի աջակիցներ, ՀՀԿ, ԲՀԿ, ԼՀԿ, ՀՅԴ՝ խորհրդանարանական ու արտախորհրդարանական ներուժ ունեցող քաղաքական միավորները դեմ են հակասահմանադրական հանրաքվեին և չեն մասնակցելու այդ գործընթացին։ Պարոնայք իմ քայլԱԿԱՆՆԵՐ, ո՞վ է լինելու «սև սատանան», որի մասին առասպելներ հորինելով` 650.000 ընտրող եք ուղեկցելու ընտրատեղամասեր։

Արտաշես Ասատրանի ֆեյսբուքյան էջից