Րոպե առաջ պետք է դադարեցնել «գրիչի» թեմայի քննարկումը
ՀՀ վարչապետ Նիկոլ Փաշինյանի մամուլի ասուլիսի ժամանակ ՍԴ նախագահ Հրայր Թովմասյանի վերաբերյալ հայտարարությունները, ապա նրա արձագանքից հետո ֆեյսբուքյան երեք գրառումները, այդ թվում հայտնի գրիչի վերաբերյալ, անկասկած, ցնցել, զարմացրել, զայրացրել են շատերին:
Ոմանք անգամ չեն կարող հավատալ, որ սա իրականություն է։ Բնական է, որ արձագանքներն էլ շատ են։ Ընդ որում գրեթե բոլոր մակարդակներով: Այսուհանդերձ, բոլորին կոչ եմ անում անհապաղ դադարեցնել «գրիչի» թեմայի բոլոր քննարկումները եւ փակել այն։
Սա հարված է մեր պետությանը, սա մեր պետության խայտառակությունն ու ամոթն է: Համաձայնեք, այս թեմայի հետագա շոշափումը, քննարկումը հարվածում, վնասում է մեր պետությանը, գցում միջազգային հեղինակությունը։ Այս իրավիճակում առաջարկում եմ կենտրոնանալ ԱԱԾ նախկին ղեկավար Արթուր Վանեցյանի առաջարկի վրա:
Իսկապես, Նիկոլ Փաշինյանի ասուլիսից եւ հատկապես դրան հաջորդած «գրիչի» պատմությունից հետո իշխող կուսակցությունը, ազգային անվտանգության նկատառումներից ելնելով, պետք է քննարկի իր շարքերից վարչապետի նոր թեկնածու առաջադրելու հարցը:
Գեղամ Նազարյան
Top-News.am
Հետևեք մեզ Facebook-ում