Իսկ դուք գիտե՞ք՝ ինչպես են պատրաստում շատերի կողմից սիրված «Snickers»-ը. Տեսանյութ

Տասնամյակներ առաջ «Snickers» շոկոլադը ԽՍՀՄ անդամ երկրների բնակիչների համար անհասանելի մի քաղցրավենիք էր, որը շատերը երազում էին փորձել: Իսկ այսօր այն վաճառվում է գրեթե բոլոր խանութներում և հասանելի է բոլորին:

Վերջերս համացանցի օգտատերերը վերհիշել են տարիներ առաջ «Discovery»-ի կողմից նկարահանված տեսանյութը, որում ներկայացված են «Snickers»-ի պատրաստման փուլերը:

«Snickers»-ը բաղկացած է նուգայից, կարամելից, գետնանուշից և շոկոլադից: Արտադրությունը սկսվում է նուգայից, որը բաղկացած է եգիպտացորենի օշարակից, շաքարից և ձվի սպիտակուցներից: Հատուկ սարքը հարում է նուգայի բաղադրիչները՝ ստեղծելով միատարր թեթև զանգված: Հաջորդ փուլում այդ զանգվածը խառնում են մանրեցված գետնանուշի և գետնանուշի կարագի հետ, ինչից հետո այն տաքացնում են մինչև 165 °C, և հատուկ սարքի միջոցով սառեցնում, որպեսզի զանգվածը մնա փափուկ, բայց բավականին կայուն:

Ֆաբրիկայի մեկ այլ հատվածում բովում են գետնանուշը և խառնում այն կարամելի հետ, ինչից հետո զանգվածը սառեցվում է:

Հաջորդ փուլում հատուկ սարքի միջոցով կարամելից և գետնանուշից պատրաստված զանգվածը «փռում են»  նուգայի վրա, և ուղարկում այդ «սենդվիչը» սառնարան, ինչից հետո այն բաժանվում է փոքր մասերի և պատվում շոկոլադով:

Ահա և վերջ, «Snickers»-ը պատրաստ է: Մնում է միայն փաթեթավորել այն: 

Zham.am