Բրիտանական պարբերականը կանխատեսում է․ Երրորդ համաշխարհային պատերազմը շատ մոտ է
Սուլեյմանիի սպանությունն այսօր դարձել է աշխարում թիվ մեկ քննարկման առարկան: Ակնհայտ է, որ այս իրադարձությունը կանգնեցնում է բոլորին լուրջ խնդրի առջև: Ինչպե՞ս դուրս գալ այս ճգնաժամից, մանավանդ որ ԱՄՆ-ի և Իրանի միջև հնարավոր պատերազմի մեկնարկը կարող է նոր համաշխարհային պատերազմի սկիզբը դառնալ:
Բրիտանական The Independent-ը հենց դա էլ կանխատեսում է: Այս պարբերականի վերլուծաբան Լուիս Ստեյպլսը կանխատեսում է, որ ԱՄՆ նախագահ Թրամպը իրոք պատրաստվում է լայնամասշտաբ պատերազմի Իրանի հետ: Իսկ դա, ըստ վերլուծաբանի, գրեթե անխուսափելիորեն կհանգեցնի Երրորդ համաշխարհային պատերազմի:
Վերլուծելով մի շարք գործոններ՝ վերլուծաբանը նշում է՝ և Առաջին, և Երկրորդ համաշխարային պատերազմները պատահական են սկսվել: Ոչ ոք չԷր կանխագուշակում, որ առաջին հայացքից լոկալ թվացող կոնֆլիկտը կարող է հանգեցնել համաշխարհային հրդեհի:
Ճիշտ է, ինֆորմացիոն դարաշրջանում մարդիկ ավելի լավ են տեղեկացված իրադարձություններից, բայցև միևնույն ժամանակ իրադարձություններն էլ են ընթանում արագորեն: Այնպես որ, վերլուծաբանի կարծիքով, այս վերջին իրադարձությունից հետո, տրամաբանական զարգացումը շարժվում է դեպի նոր պատերազմի, որի հետևանքները ոչ ոք չի կարող գուշակել:
Արտակ Հակոբյան
Հետևեք մեզ Facebook-ում