Մետրոպոլիտենն այսօր կաշխատի մինչեւ հունվարի 1-ի ժամը 06:00-ը

Ամանորին Երեւանի մետրոպոլիտենը կաշխատի արտակարգ ռեժիմով։

Այս առնչությամբ տարածված հայտարարության մեջ ասվում է.

«Սիրելի քաղաքացիներ,

Ամանորի եւ Սուրբ Ծննդյան տոների առթիվ` «Կարեն Դեմիրճյանի անվան Երեւանի մետրոպոլիտեն» ՓԲԸ-ն աշխատանքներն իրականացնելու է արտակարգ ռեժիմով:

Մետրոպոլիտենի աշխատանքային գրաֆիկում կլինեն որոշակի ժամային փոփոխություններ:

Դեկտեմբերի 31-ին աշխատանքները կսկսվեն 07:00-ից եւ կավարտվեն 2020 թվականի հունվարի 1-ին՝ ժամը 06:00-ին:

Մաղթում ենք բոլորիդ հաճելի տոնական օրեր, բարձր տրամադրություն եւ անխափան երթեւեկություն»։