Օհանյան-Րաֆֆի-Օսկանյան դաշինքի ծրագրերը շատ իրատեսական են

Օհանյան-Րաֆֆի-Օսկանյան դաշինքի առաջ քաշած ծրագրերը շատ իրատեսական են: Ծրագրում առկա բոլոր կետերն առանց բացառության մեր երկրում առկա խոցելի խավի խնդիրների լուծման առաջարկներ են՝ սկսած տաքսու վարորդներից, մայրերի կապիտալից, վեջացրած զինվորի առօրյա ու համալիր խնդիրներով:

Ծրագրերից մեկը վարկերի մասին է: Մեր երկրում մարդ չկա, որ վարկ չունենա, և այսօրվա պայմաններում բանկային համակարգը նմանվել է լոմբարդային համակարգի, ինչը լուրջ վտանգ է ներկայացնում սպառողական շուկայի և ընդհանրապես տնտեսության համար։
Երկրում վարկավորման ծավալների խնդիր կա, վարկերի տոկոսադրույքներն շարունակում են մնալ շատ բարձր, տույժ ու տուգանքների մասին էլ խոսք չկա: Հազարավոր քաղաքացիների վարկային բեռի տակից դուրս չգալով՝ վաճառում են իրենց անշարժ գույքն ու արտագաղթի ճանապարհը բռնում։ Այս խնդիրը պետք է կարգավորվի պետության մասնակցությամբ և բանկերի հետ համատեղ աշխատանքով։

Դաշինքը որպես առաջին քայլ առաջարկում է վերանայել տույժ-տուգանքների սկզբունքը՝ ընդհուպ չեղարկելով դրանք։ Բանկն ու լոնբարդի միջև պետք է մեծ անջրպետ լինի: Սա բոլորիս համար կարևոր դրույթ է, որն իրականացնություն դարձնելու մեծ պոտենցիալ ունի:

 Գուրգեն Ամիրխանյանի ֆեյսբուքյան էջից