Սպասումների և հիասթափությունների ընտրություններ

Ապրիլյան ընտրություններին ընդառաջ ձևավորվել է ուժային մի քանի բևեռ, որոնց միջև էլ գնալու է հիմնական պայքարը։ Խոսքն իշխանական բևեռի, Ծառուկյանի դաշինքի և Սեյրան Օհանյանի շուրջ ձևավորվելիք դաշինքի մասին է։ Այս ուժերի միջև, բացի ամեն ինչից, գնալու է նաև դրական սպասումների պայքար․ումի՞ց է ընտրողը դրական սպասում ունենալու, ում մեջ է տեսնելու երկրի խնդիրները լուծելու ուժը։

Իշխանությոունն, ամենայն հավանականությամբ ընտրություններին գնալու է Կարեն Կարապետյանի դեմքով, սակայն կան մի քանի կարևոր նրբություններ, որոնք թույլ չեն տալիս իշխանական բևեռին հասնել իրենց համար ցանկալի արդյունքի։ Առաջինն այն է, որ Կարապետյանից այլևս չկա այն սպասելիքը հասարակության մեջ, որըկար նշանակումից անմիջապես հետո։ Լավ չէ, երբ 100 օրն բոլորած կառավարության ղեկավարի գործունեության ամենահիշարժան պահը «պրիմիտիվ գողության» մասին խոսքն էր։ Բացի այն, հաշվի առնելով իշխանությունների ներսում տիրող մթնոլորտը, պետք է ասել, որ հենց իշխանական քարոզչամեքենան նույնպես թույլ չի տա Կարապետյանին աճել որպես անհատ քաղաքական գործիչ։ Տեսեք թե Բաղրամյան 26-ից ղեկավարվող զլմ-ները օրը քանի հրապարակում են անում վարչապետի մասին, և նաև անձանագրեք, որ վարչապետն՝ իր նախորդի պես, այս ամենին չի պատասխանում իր զլմ-ների (որոնք անգամ չկան) միջոցով։ Ասածս այն է, որ Կարապետյանից մեծ սպասելիք չկա և չի էլ լինի, և դրան նպաստում են թե իշխանությունն՝ իր քարոզչությամբ, և թե Կարապետյանն՝ իր պասսիվությամբ։

Սպասումներ, անշուշտ, կան և կլինեն Ծառուկյանից։ Նա 2 տարի չի զբաղվել քաղաքականությամբ, սակայն վստահ կարող եմ ասել, որ նրա վարկանիշը ժողովրդի մեջ միևնույն է մեծ է։ Իմ կարծիքով, լուրջ սպասելիքներ կան ու կլինեն նաև Սեյրան Օհանյանից։ Դա առաջին հերթին պայմանավորված է նրանով, որ նման քաղաքական պայքարում նա նորեկ է, իսկ նորերի հետ միշտ էլ լուրջ հույսեր են կապում։ Օհանյանը նաև լուրջ մարտական ուղի է անցել, ինչի դեմ անգամ իշխանությունները չեն կարում այսօր ոչինչ ասել։ Օհանյանը նաև իր շուրջ քաղաքական թիմ է հավաքում, որը կարող է երկրի զարգացման ծրագիր տալ, և ժողովրդի մեջ լայնորեն քարոզի այդ ծրագիրը։ Ասածս այն է, որ այս ընտրություններում սպասումներ կլինեն թե Օհանյանի դաշինքից, թե Ծառուկյանի դաշինքից, բայց հաստատ չեն լինի իշխանական դաշինքից, անգամ եթե այն գլխավորի Կարեն Կարապետյանը։

Անդրանիկ Վարդանյանի ֆեյսբուքյան էջից