Լավրովը Ռուսաստանի դիրքորոշման մասին՝ Ադրբեջանի կողմից ԼՂ-ում ուժային գործողություններ իրականացնելու դեպքում (video)

Այսօր ՌԴ արտգործնախարար Սերգեյ Լավրովը մեծ մամուլի ասուլիսի ժամանակ, որը նվիրված է 2016 թ. արտգործնախարարության աշխատանքների արդյունքներին, պատասխանելով ադրբեջանցի հեռուստալրագրողի այն հարցին՝ թե ինչպիսին կլինի Ռուսաստանի դիրքորոշումը, կփակի արդյո՞ք աչքերը և կխառնվի Ադրբեջանի ներքին գործերին, եթե Ադրբեջանի կողմից Լեռնային Ղարաբաղում հակաահաբեկչական, «օկուպացիոն ուժերից» մաքրելու գործողություն սկսի, ասաց.

«Դա արդեն չի հանդիսանում ինչ-որ աբստրակտ բան: Դա չի հանդիսանում բացառապես Աբրբեջանի ներքին գործերի տիրույթում գտնվող թեմա: Լեռնային Ղարաբաղի հակամարտության վերաբերյալ գոյություն ունի որոշումների մի ամբողջ շարք, առաջին հերթին որոշումներ, որոնք ընդունվել են ՄԱԿ-ի Անվտանգության խորհրդում հակամարտության ամենաթեժ պահին՝ հրադադարի մասին: Եթե հետաքրքրվում եք, կարող եք դիմել արխիվներին և տեսնել ինչպես են անհապաղ հրադադարի մասին պահանջները պահպանվում և ում կողմից են պահպանվել, իսկ ում կողմից՝ ոչ: Եւ այն պահից, երբ հրադադարն ուժի մեջ մտավ ԵԱՀԿ-ի միջնորդությամբ, ինչպես գիտեք, ուժի մեջ է պահպանվում պահանջը, որպեսզի ազատվեն «օկուպացված» տարածքմերը, բայց ոչ մի դեպքում ուժով, և Լեռնային Ղարաբաղի կարգավիճակի վերջնական որոշման պարագայում: Դա ամրագրված է այն փաստաթղթերում, որոնք մշակվել են ԵԱՀԿ Մինսկի խմբի, նրա համանախագահների կողմից: Դա ամրագրված է մի շարք հայտարարություններում, որոնք արվել են համանախագահող երկրների նախագահների կողմից՝ Ռուսաստանի, ԱՄՆ-ի, Ֆրանսիայի, ինչպես նաև հայտարարություններում և փաստաթղթերում, որոնք ընդունվել և ստորագրվել են Հայաստանի և Ադրբեջանի նախագահների կողմից: Վեճերի խաղաղ կարգավորումն այնտեղ ամրագրվել է բացառապես ոչ երկիմաստ:
Այն, որ 2016 թ. ապրիլին արյունալի իրադարձություններ տեղի ունեցան, դա խորը անհանգստություն է առաջացնում: Ռուսաստանը որոշիչ դեր խաղաց այդ արյունահեղության դադարեցման հարցում», - ասաց Լավրովը, հիշեցնելով պայմանավորվածությունները Վիեննայում և Սանկտ Պետերբուրգում:

Նա նաև նշեց, որ հակամարտ զորքերի շփման գծում միջադեպերի հետաքննության մեխանիզմի ներդրման մասին խոսվել է նաև 2011 թ. Աստրախանում: Լավրովն ասաց նաև, որ դա անհրաժեշտ է, բայց չի կարող իրագործվել, քանի որ ԵԱՀԿ-ում այդ հարցի վերաբերյալ չկա կոնսենսուս:

«Новое время» հայկական գործակալության լրագրողը Լավրովին հիշեցրեց նախորդ տարվա վերջին՝ դեկտեմբերի 29-ին հայ-ադրբեջանական պետական սահմանին տեղի ունեցած դիվերսիոն ներթափանցման փորձը ադրբեջանական զինուժի կողմից, ինչպես նաև Մինսկում Ադրբեջանի պահանջով բերման ենթարկված, ՌԴ և Իսրայելի քաղաքացի, ԼՀ այցելած Ալեքսանդր Լապշինի դեպքը: Ի պատասխան լրագրողի այն հարցին՝ թե ինչպես է ռուսաստանյան կողմը գնահատում միջադեպը հայ-ադրբեջանական պետական սահմանին և Ալեքսանդր Լապշինի հետ կատարվածը, ասաց.

«Միանգամից ասեմ, որ մենք դեմ ենք քրեականացմանը, երբ լրագրողները կամ մասնավոր անձինք այցելում են այս կամ այն տարածք, այս կամ այն տարածաշրջանում: Երկրորդ՝ մենք դեմ ենք այս կամ այն երկրում բերման ենթարկված ՌԴ քաղաքացիների արտահանձնմանը երրորդ երկիր: Մենք հյուպատոսական կապ ենք ունեցել պարոն Լապշինի հետ: Մենք գիտենք, որ նա միաժամանակ հանդիսանում է Իսրայելի քաղաքացի, և իսրայելացի դիվանագետները նույնպես նրա հետ կապի մեջ են եղել: Ելնում ենք նրանից, որ կձեռնարկվեն բոլոր անհրաժեշտ միջոցները իրավիճակը հարթելու համար, ամբողջովին հարգելով ՌԴ և միևնույն ժամանակ Իսրայելի քաղաքացու իրավունքը»:

Zham.am

Տեսանյութը կարող եք դիտել 33-րդ րոպեից: