Քայլի հերթը ՀՀ իշխանություններինն է
«Հրապարակ»-ը գրում է. Մեր տեղեկություններով` օրերս նամակով Սերժ Սարգսյանին է դիմել Երիտասարդական կուսակցության նախկին նախագահ, Մոսկվայում թմրանյութ պահելու կասկածանքով ձերբակալված Սարգիս Ասատրյանը, որին Մոսկվա էր հրավիրել ջավախահայ Նորիկ Թեւանյանը, որն էլ, ըստ Հմայակ Հովհաննիսյանի, Սերժ Սարգսյանի մտերիմ ընկերն է: 2013-ին 12 տարվա ազատազրկման դատապարտված Սարգիս Ասատրյանն իր նամակում խնդրում է իրեն էքստրադիցիայի ենթարկել Հայաստան: Ի դեպ, երկու տարի առաջ նա նմանատիպ խնդրանքով դիմել էր ՀՀ արդարադատության նախարարին, սակայն հարցն այդպես էլ չլուծվեց: Նա, ըստ նույն աղբյուրների, ունի առողջական լուրջ խնդիրներ։ «Տեսնենք նախընտրական այս փուլում հայաստանյան իշխանությունները կանսա՞ն նրա խնդրանքին, մանավանդ որ Ռուսաստանի իրավապահները տվել են իրենց համաձայնությունը Սարգիսին ՀՀ տեղափոխելու մասով»,- տեղեկացրեց մեր աղբյուրը:
Հետևեք մեզ Facebook-ում