Կառավարությունը կբավարարի 5 ընկերությունների հայտերը
«Հայկական ժամանակ»-ը գրում է. ՀՀ կառավարությունը իր առաջիկա նիստում բավարարելու է հինգ ընկերությունների ներկայացրած հայտերը իրենց կողմից ներկրվող
սարքավորումների եւ նյութերի համար սահմանի վրա գանձվող ԱԱՀ‐ի վճարումը
հետաձգելու վերաբերյալ:
Դրանցից «Պրոֆպանել» ընկերությունը մտադիր է հիմնել Հայաստանում արեւային մարտկոցների արտադրություն, «Ավալանժը»՝ ջերմոց, «Ռոյալ Ռուսը»` ծխախոտի արտադրամաս, «ԱՆԴ» ընկերությունը` խնձորի այգիներ, իսկ «Էսկո
ֆարմը»՝ դեղագործական արտադրություն:
Այս հինգ ընկերությունների ընդհանուր ներդրումները, սակայն, մեծ չեն` ընդհանուր առմամբ չեն գերազանցում 4 միլիոն դոլարը: Նշենք, որ այսընկերությունները իրենց ներմուծած սարքավորումների ու նյութերի համար օրենսդրությամբ նախատեսված ԱԱՀ‐ն կարող են վճարել 3 տարի անց:
Հետևեք մեզ Facebook-ում