Հայտնի ռուսաստանցի գործարարներ Սարկիսով եղբայրները հետախուզվում են ՈՒկրաինայի իրավապահների կողմից

Սերգեյ և Նիկոլայ Սարկիսովները, որոնք, ըստ Forbes ամսագրի, համարվում են Ռուսաստանի 200 ամենահարուստ մարդկանցից, հետախուզման մեջ են հայտարարվել ՈՒկրաինայի իրավապահների կողմից:

Եղբայրները հանդիսանում են «ՌԵՍՈ-Գարանտիա» ապահովագրական ընկերության ղեկավարներ:

ՈՒկրաինայի Ներքին գործերի նախարարության կայքում հրապարակված տվյալների համաձայն հետախուզվողների գործունեության տեսակը չի հաղորդվում, սակայն անձնական տվյալներն ամբողջովին համապատասխանում են եղբայրների տվյալների հետ:

Նրանք մեղադրվում են առանձնապես խոշոր չափերի գումարի շորթման մեջ:

«ՌԵՍՈ Խումբ»-ը ստեղծվել է 2004 թվականին և այսօր իր մեջ ներառում է ավելի քան 20 կազմակերպություն, որոնք Ռուսաստանում և ԱՊՀ երկրներում գործում են ապահովագրության, կենսաթոշակային և լիզինգային ոլորտներում: ՈՒկրաինայում գործարարները «Просто-Страхование» ապահովագրական ընկերության ղեկավար կազմի անդամ էին:

Zham.am