Գագիկ Ծառուկյանի տան կենդանիներին մասնագետները տեղափոխելու են այլ վայր․ Տոնոյան
Գագիկ Ծառուկյանի տանը պահվող կենդանիներին քնեցրել են խուզարկության ընթացքում։ Այս մասին լրագրողների հետ զրույցում ասել է ԲՀԿ խոսնակ Իվետա Տոնոյանը։
Նրա փոխանցմամբ՝ կենդանիներին մասնագետները տեղափոխելու են այլ վայր:
Երևանի քաղաքապետարանից էլ հայտնեցին, որ քննչական գործողությունների ընթացքում Երևանի քաղաքապետարանի առաջարկով մասնավոր առանձնատանը պահվող կենդանիները տեղափոխվել են Կենդանաբանական այգի։
«Կենդանիները կգտնվեն մասնագետների հսկողության և խնամքի ներքո»,- նշված է հաղորդագրությունում։
Հիշեցնենք, որ վաղ առավոտյան սկսվել էին խուզարկություններ ավելի քաբ 70 հասցեներում։ Կապարակնքվել են «Մուլտի գրուպի» ներքո գործող ընկերությունները, այդ թվում ՝ ՀԱՕԿ-ը և Օլիմպավանը, Ծաղկաձորում գործող ընկերությունները և այլն։ Քննչական կոմիտեից նաև հայտնեցին, որ առանձնապես խոշոր չափերով խարդախություն և փողերի լվացում կատարելու մեղադրանքով Գագիկ Ծառուկյանը և ևս մեկ այլ անձ ձերբակալվել են։
Հետևեք մեզ Facebook-ում