Երեկվա բանավեճում երևաց, թե ովքեր են Փաշինյանի գրպանի գործիչները

Ցանկացած քաղաքական  գործընթացում դժվար է լինում դիմակազերծել գործիչներին, և միայն վերջում են իրենք ստիպված լինում ներկայանալ  իրենց իրական դեմքերով։

Երեկվա բանավեճը բացառություն չէր։

Եթե բոլորին հայտնի էին Փաշինյանի գրպանային քաղաքական ուժերը՝ Արման Բաբաջանյանի, Արամ Սարգսյանի և Լևոն Շիրինյանի «կուսակցությունները», որոնք  իրենց շեֆի քաղաքական հարեմում «առաջին կնոջ» տեղի համար պայքարում են իրար հետ, ապա հայ հանրությանը հայտնի դարձավ, որ այդ շարքից են  նաև, մինչ այս քիչ հայտնի ոմն Արտակ Սարգսյանը և Գուրգեն Սիմոնյանը։

Սրանք ավելի շատ ողջ քարոզարշավի ընթացքում փորձում էին թաքցնել իրենց ով լինելը, ռուսերեն ասած՝ «լռիր, որ խելք թվաս» սկզբունքը կիրառելով։

Սակայն, ինչպես միշտ, երբ շեֆը ծանր վիճակի մեջ է հայտնվում, ստիպում է, որ իր քաղաքական «պարտիզան–գործիչները» նույնպես բացահայտվեն։

Եվ ահա, երբ Փաշինյանը ծանր վիճակում հայտնվեց, գործընկերոջ տրամաբանության մեջ, նրան օգնություն սկսեցին առաջարկել վերը նշված ավանդական գրպանային գործիչներից բացի, նաև՝ Գուրգեն Սիմոնյանն ու Արտակ Սարգսյանը։

Մասնավորապես, Գուրգեն Սիմոնյանը հանձնարարական ստացավ իր անունից դիմել ԿԸՀ–ին, որպեսզի քննարկվի իրական ազդեցիկ ընդդիմադիր ուժերից որևէ մեկին թույլ չտալ՝ մասնակցել ընտրություններին։

Եվ դա այն դեպքում, երբ ընտրություններին մնացել է ընդամենը երկու օր։

Թե ինչ կլինի, եթե Փաշինյանը գնա այդ քայլին, կներկայացնենք մեր հաջորդ վերլուծության մեջ։

Իսկ այստեղ նշենք, որ վերը նշված գրպանային գործիչները բացահայտվելով, նույնպես կրելու են Փաշինյանի հետ հավասար պատասխանատվությունը՝ Հայաստանին հասցված բոլոր վնասների համար։

Սա է իրականությունը։

Դավիթ Մկրտչյան
Zham.am