Փաշինյանի ոստիկանությունը հունիսի 2-ին Մասիսում տեղի ունեցած խուլիգանության համար ոչ մեկին չի ձերբակալել

Հունիսի 2-ին Մասիսում տեղի ունեցած միջադեպի վերաբերյալ ստացվել է 2 հաղորդում, որոնց առթիվ նախաձեռնվել է քրեական վարույթ՝ մի խումբ անձանց կողմից ֆիզիկական ներգործության (195-րդ հոդվածի 2-րդ մասի 5-րդ կետ), խուլիգանության (297-րդ հոդվածի 2-րդ մասի 1-ին կետ) և քարոզչություն կատարելուն խոչընդոտելու (211-րդ հոդվածի 2-րդ մասի 5-րդ կետ) հատկանիշներով: Այս մասին լրատվամիջոցներին հայտնել է ՔԿ խոսնակ Կիմա Ավդալյանն ու մանրամասնել, որ այս պահին ձերբակալված կամ կարգավիճակ ունեցող անձինք չկան։
Դե, իհարկե, ինչպե՞ս կարող էին ձերբակալված կամ քննչական վարույթի առումով որևէ կարգավիճակ ունեցողներ լինել: Չէ՞ որ դա Փաշինյանի կողմնակիցներն են հարձակվել ընդդիմադիր ուժի ներկայացուցիչների վրա և ֆիզիկական բռնության դիմել: Մի՞թե կարող էին նրանք ձերբակալվել: Այ, որ իրենց շեֆի ավտոշարասյան օրինակով հարձակման ենթարկված հղի կնոջն էլ սպանեին, Քննչական կոմիտեն մարդասպանին կներկայացներ պարգևատրման: Չենք հեգնում, դա է փաշինյանական «կոնցլագերային» իրականությունը: 
Նիկոլի պլակատը պոկելու համար մարդուն տարան Նուբարաշենի գժանոց, խեղդամահ եղավ, հայտարարեցին, թե՝ «ինքնասպան է եղել»: 
Ինչո՞ւ պիտի ընդդիմադիրների վրա հարձակման համար նիկոլականներին ձերբակալեն: Չէ՞ որ «իրական հակա-Հայաստանում» օրենքը ողջ խստությամբ գործում է միայն ոչ քպ-ականների համար, իսկ քպ-ականնե«րը ցանկացած այլանդակություն կարող են անել ու անպատիժ մնալ: Չէ մի՝ ձերբակալվել: