Ռուսաստանն աջակցության դիմաց ստանում է... «Փաշինյանի ստորությունն ու անպարկեշտությունը։ Այսպես այլևս շարունակվել չի կարող». Պետդումայի նախագահ
Ռուսաստանը գազ է մատակարարում Հայաստանին՝ սեփական շահերին ի վնաս, աջակցում է հանրապետության քաղաքացիներին ու տնտեսությանը, իսկ փոխարենը Հայաստանի վարչապետ Նիկոլ Փաշինյանի կողմից ստանում է ստորություն և անպարկեշտություն, հայտարարել է Պետդումայի նախագահ Վյաչեսլավ Վոլոդինը։
Այս մասին հաղորդում է ՌԻԱ «Նովոստի» գործակալությունը՝ հղում անելով Պետդումայի նախագահի՝ «Մաքս» հարթակի իր ալիքում արած գրառմանը:
«Մենք Հայաստանին գազ ենք մատակարարում գրեթե չորս անգամ ավելի էժան՝ ի վնաս մեզ (Հայաստանի համար գինը՝ 177,5 դոլար է՝ հազար խորանարդ մետրի դիմաց, Եվրոպայում՝ 633 դոլար՝ հազար խորանարդ մետրի դիմաց)։ Այս դժվարին ժամանակահատվածում աջակցում ենք Հայաստանի տնտեսությանը և նրա քաղաքացիներին։ Իսկ ի՞նչ ենք ստանում փոխարենը՝ Փաշինյանի ստորությունն ու անպարկեշտությունը։ Այսպես այլևս շարունակվել չի կարող։ Այսպես հարաբերություններ չեն կառուցում», - գրել է Վոլոդինը։
Ինչպես ակնհայտ տեսնում եք, Ռուսաստանը բավականին կոշտ է արձագնքում Փաշինյանին, այն էլ՝ Պետդումայի նախագահի մակարդակով: Թերևս այստեղ դեր է ունեցել Փաշինյանի վերջին «կռուտիտը» առ այն, թե՝ ինքը ՌԴ նախագահի հետ գրեթե ընկերական հարաբերություններ ունի: Մոսկվայից ասում են՝ չունի:
Հետևեք մեզ Facebook-ում