Ծաղկաբույծնե՛ր, «շնորհակալ եղեք» ՔՊ-ին. Ռուսաստանն արգելում է Հայաստանից ծաղիկների ներմուծումը

Ռոսսելխոզնադզորը` Ռուսաստանի անասնաբուժական և բուսասանիտարական հսկողության դաշնային ծառայությունը, մայիսի 22-ից արգելում է ծաղիկների ներմուծումը Հայաստանից։ Այս մասին հայտնում են ռուսական ԶԼՄ-ները։ Արգելքը ուժի մեջ կմնա մինչև ջերմոցային ստուգումների ավարտը և արդյունքների վերլուծությունը։ Նշվում է, որ այս որոշումը կայացվել է Ռուսաստանի բուսասանիտարական անվտանգությունը և արտահանման ներուժը պաշտպանելու համար։

«Չնայած Հայաստանի սննդամթերքի անվտանգության տեսչության կողմից տրված երաշխիքներին, ԵԱՏՄ-ի համար կարանտինի ենթակա ապրանքների հայտնաբերումը շարունակվում է։ Ներմուծված 96.2 միլիոն ծաղկային արտադրանքից գրանցվել է 135 դեպք։ Սա կազմում է ամբողջ 2025 թվականի հայտնաբերումների ընդհանուր թվի 77%-ը»,-ասվում է հայտարարության մեջ։

Ինչպես անցյալ շաբաթ հայտարարվեց «Ռոսսելխոզնադզորը» ծառայության ղեկավար Սերգեյ Դանկվերտի և Հայաստանի սննդամթերքի անվտանգության տեսչական գործակալության ղեկավար Տիգրան Պետրոսյանի միջև բանակցություններից հետո, «Ռոսսելխոզնադզորը» նախատեսում է ստուգել հանրապետությունում գործող բուսաբուծական ձեռնարկությունները: Ստուգման նպատակն է ապահովել իսկապես հայկական և բուսասանիտարական առումով անվտանգ արտադրանքի մուտքը Ռուսաստանի Դաշնություն:

Նախկինում ծառայությունը չէր բացառել  ​​հնարավորությունը, որ հայկական արտադրանքի անվան տակ Ռուսաստանի Դաշնություն կարող են ներմուծվել ապրանքներ, այդ թվում՝ ծաղիկներ այն երկրներից, որտեղից ներմուծումն արգելված է։

Աղբյուրը` Panorama.am