Փաշինյանական ռեժիմը սառնասրտորեն կերավ ևս մեկ մարդու գլուխ

Դագաղների կափարիչներ ճոճելով 2018-ին իշխանության եկածները քիչ են համարում, որ հազարավոր մարդկանց մահվան մատնեցին, շարունակում են իրենց գլխակերությունը:
Խոսքը Նուբարաշենի հոգեբուժարանում ինքնասպան եղած քաղաքացու մասին է:  Factor TV-ի տեղեկություններով, դա Արմեն Հովհաննիսյանն է, որը հոգեկան առողջության հետ կապված խնդիր է ունեցել:

Նա ձերբակալվել է նախընտրական պաստառ պոկելու համար, ինչի կապակցությամբ Քննչական կոմիտեում վարույթ է նախաձեռնվել:

Փաշինյանի ռեժիմի շահերն սպասարկող ՔԿ-ից հայտնում են. «Ստացված հաղորդման հիման վրա նախաձեռնվել է քրեական վարույթ՝ Քրեական օրենսգրքի 211-րդ հոդվածի 1-ին մասով (քարոզչություն կատարելուն կամ քարոզչություն կատարելուց հրաժարվելուն հարկադրելը կամ քարոզչություն կատարելուն այլ կերպ խոչընդոտելը)»: Այսինքն՝ նախընտրական պաստառ պոկելը որակվել է նախընտրական քարոզչությանը խոչընդոտել, որի համար քաղաքացին ձերբակալվել է ու ներկայացվել Քննչական կոմիտե:

Իսկ Panorama.am-ի տեղեկություններով՝ ՔԿ-ում քննվող վարույթի շրջանակներում Արմեն Հովհաննիսյանին դեռևս մեղադրանք ներկայացված չի եղել, բայց ձերբակալվածի կարգավիճակ է ունեցել: Ի սկզբանե տեղափոխվել է ձերբակալվածների պահման վայր, ապա՝ Նուբարաշենի հոգեբուժարան:

Ոստիկանությունից պարզաբանում են. «Ա.Հովհաննիսյանը ձերբակալված էր և գտնվում էր համայնքային ոստիկանության Արտաշատի բաժնի ձերբակալվածների պահման վայրում: Մայիսի 16-ին՝ ժամը 09:30-ի սահմաններում, ձերբակալվածի մոտ նկատվել է հոգեկան անհավասարակշիռ վարքագիծ, ինչից հետո հրավիրվել է շտապօգնություն: Շտապօգնության բժշկի ցուցումով ձերբակալվածը ոստիկանների ուղեկցությամբ՝ շտապօգնության մեքենայով, տեղափոխվել է հոգեկան առողջության կենտրոն»: Նշենք, որ այսօր՝ ժամը 18.07-ին է «Նուբարաշեն» հոգեկան առողջության պահպանման կենտրոնից ՆԳՆ 112 օպերատիվ կառավարման կենտրոն հաղորդում ստացվել, որ իրենց մոտ տեղափոխված Արմեն Հովհաննիսյանը կախվելու միջոցով ինքնասպանություն է գործել»։

Մեր կողմից նկատենք, որ հաշվի առնելով, թե ինչ ռեպրեսիվ ռեժիմի հետ գործ ունենք, չի կարելի բացառել ևս մեկ ենթադրություն. հնարավոր է, մարդուն պարզապես սպանել են, ապա փորձում են այդ ամենը ներկայացնել որպես ինքնասպանություն: 
Ըստ փաշինյանական իշխանության պաեշտոնական աղբյուրների հաղորդած տեղեկությունների, ինչ-որ շատ «սահուն» պատկեր է ստացվում. անձը պաստառ է պոկել, ինչը բացառապես վարչական իրավախախտում է ու ձերբակալություն չի ենթադրում, որից հետո նրան տարել են ոստիկանության բաժին, որից հետո շտապօգնությունով տեղափոխել են հոգեբուժարան, որտեղ նա, իբբ, ինքնասպան է եղել: Չկա մարդը, չկա պրոբլեմ: Բայց այդ պաշտոնական վարկածը վերից՝ վար պրոբլեմ է: 

Մի ժամանակ էլ նիկոլականները աղմկում էին, որ Փաշինյանի ավտոշարասյան մեքենաներից մեկի կատարած վրաերթի հետևանքով սպանված Սոնա Մնացականյանը, իբր «ինքն է նետվել» ավտոյի տակ: