Եվրոպացի որևէ գործիչ, որևէ քաղաքացի, որևէ երկիր ժամ անգամ չէր հանդուրժի Նիկոլի նման իշխանությունը. Աշոտյան
«Նիկոլական քարոզչությունը փորձում է այսօրվա հավաքը ներկայացնել որպես նիկոլական հաղթանակ, մինչդեռ սա Հայաստանի աշխարհքաղաքական թաղման, մահվան, ռեգիոնալ ոչնչացման արարի վերածված հերթական միջոցառումն է»,-Երևանի քաղաքապետարանի դիմաց ՀՀԿ նախաձեռնած ակցիայի ժամանակ հայտարարեց կուսակցության փոխնախագահ Արմեն Աշոտյանը։
ՀՀԿ-ականները նախատեսել էին քաղաքապետարանից շարժվել դեպի Ծիծեռնակաբերդի խճուղի՝ համալիրում հավաքված եվրոպացի առաջնորդներին ցույց տալու իրենց դժգոհությունն ու բարձրաձայնելու պահանջները։ Սակայն ոստիկանները թույլ չտվեցին՝ հիմնավորելով, որ խոչընդոտում են երթևեկությանը։
Նա ընդգծել է, այն, որ Հայաստանը ԵՄ-ի հետ ուներ և ունի ինստիտուցիոնալ, իրավական առումով ամենաամուր կապը, ոչ թե Նիկոլի շնորհքն է, այլ Սերժ Սարգսյանի կառավարության։
«Այն, ինչ անում է Նիկոլը 2018 թվականից սկսած, ոչնչացումն է բոլոր այն արժեքների, որոնք դրված են Եվրոպական քաղաքակրթության հիմքում։ Եվրոպացի որևէ գործիչ, որևէ քաղաքացի, որևէ երկիր ժամ անգամ չէր հանդուրժի Նիկոլի նման իշխանություն սեփական պետությունում, եթե այդ իշխանությունը պետք է վաճառեր այդ պետության արժանապատվությունը, խաչ քաշեր այդ ժողովրդի ապագայի վրա, տարածքներ զիջեր, սարքած պատերազմ պարտվեր»,-ասաց նա՝ ընդգծելով, որ իրենց յհավաքակը հակաեվրոպական չէ, այլ հանուն եվրապական արժեքների է, հանուն արդարության, արդարադատության, ազատության, հանուն օրենքների գերակայության, ոժողովրդավարության, այն ամենը, ինչ պակասում է Փաշինյանի իշխանությանը։
Որպես օրինակ նա մատնանշեց քաղաքապետարանի առջև բերված բազմաթիվ ոստիկանների ներկայությունը՝ նշելով, որ իրենց խանգարում են բարձրաձայնել իրենց պահանջները, բողոքել։
«Սա է ժողովրդավարության իրական այցեքարտը»,-ասաց նա։
Մանրամասները՝ տեսանյութում։
Հետևեք մեզ Facebook-ում