Ո՞վ կարող էր կանգնած լինել Թրամփի վրա մահափորձի հետևում

Անցած շաբաթ երեկոյան, Վաշինգտոնում  Թրամփի դեմ ևս մեկ մահափորձ  կատարվեց։ Սա նրա դեմ չորրորդ մահափորձն է՝ երկու տարուց էլ պակաս ժամանակահատվածում։

Շաբաթ օրը, «Վաշինգտոն Հիլթոն» հյուրանոցում  մեկնարկեց  Սպիտակ տան թղթակիցների ասոցիացիայի ավանդական ընթրիքը:

Ակնկալվում էր, որ Թրամփը  կարևոր ելույթով պիտի հանդես գար։ Հանդիպումից առաջ նրա մամլո խոսնակը, հայտարարեց  բառացի հետևյալը, «...Թրամփի   այսօրվա ելույթը լինելու է անչափ տպավորիչ։ Ինչպես միշտ, այն կլինի զվարճալի և վառ, և անպայման կլինեն մի քանի «կրակոցներ»: Հետևեք, ամեն ինչ հիանալի է լինելու։ Ես իսկապես անհամբեր սպասում եմ դրան», եզրակացրեց մամլո խոսնակը։

Եվ կրակոցներ իսկապես լսվեցին, բայց ոչ այնպիսին, ինչպիսին նկարագրել էր Թրամփի մամլո խոսնակը։

Ըստ The New York Post-ի՝ հարձակվողը  Կալիֆոռնիայից 31-ամյա սևամորթ ուսուցիչ Քոուլ Թոմաս Ալան էր։ Նա զինված է եղել հզոր որսորդական հրացանով, ատրճանակով և մի քանի դանակներով։

Նախագահը հասցրեց լրագրողներին ասել, որ ինքն էր  «այդ հոգեկան հիվանդի» թիրախը։

Նա ասաց, որ չգիտի՝ մահափորձը կապված է Մերձավոր Արևելքում տեղի ունեցած պատերազմի հետ, թե ոչ, բայց վճռականորեն խոստացավ. «Դա չի խանգարի ինձ հաղթել Իրանում»։ Նախագահը նաև համեմատեց իրեն Աբրահամ Լինքոլնի հետ, որը մահափորձի զոհ դարձավ։ «Մարդիկ, ովքեր ամենաշատն են անում, միշտ սպառնալիքի տակ են, - ասաց Դոնալդը:- Չեմ ուզում ասել, որ սա մեծ պատիվ է ինձ համար, բայց ես շատ բան եմ արել»,- ինքնագովազդվեց ԱՄՆ նախագահը։

Ի դեպ, «Վաշինգտոն Հիլթոն» հյուրանոցը, որտեղ տեղի  ունեցավ շաբաթօրյա  միջադեպը, ունի ողբերգական պատմություն։ 1981 թվականին ԱՄՆ նախագահ Ռոնալդ Ռեյգանը քիչ էր մնում  սպանվեր։ Այն ժամանակ, հարձակվողը հասցրեց մի քանի կրակոց արձակել ատրճանակից՝ վիրավորելով պետության ղեկավարին, նրա մամուլի քարտուղարին, անվտանգության աշխատակցին և ոստիկանի։

Այս անգամ, ամեն ինչ անցավ առանց որևէ զոհի: Նույնիսկ վիրավորներ չեղան , ինչը շատերի մոտ կասկածներ առաջ բերեց (անվտանգության աշխատակցին ուղղված կրակոցը «բաժին էր հասել» նրան պաշտպանող զրահաբաճկոնին՝ աշխատակցին պատճառելով թեթև վնասվածք):

Արդյո՞ք այդ մահափորձը Թրամփի վարկանիշի բարձրացմանը չէր ուղղված, Իրանի հետ հակամարտության ֆոնին, որտեղ նրա վարկանիշը անկում էր արձանագրել:

Այս և նմանատիպ այլ հարցադրումները դեռ կարող են շատանալ, քանի որ բոլորին է հայտնի դարձել, որ Թրամփն ակամայից հայտնվել է իրանական ծուղակում, ձեռքի հետ այդ ծուղակի մեջ գցելով նաև համաշխարհային տնտեսությունը:

Սա է իրականությունը:

Արտակ Հակոբյան
Zham.am