Հայաստանում ժողովրդավարությունը վտանգված է ոչ թե դրսից, այլ՝ ներսից. Ռոբերտ Ամստերդամ
«Հայաստանում ժողովրդավարությունը վտանգված է ոչ թե դրսից, այլ՝ ներսից»,- նշում է «Ուժեղ Հայաստան» կուսակցության վարչապետի թեկնածու, բարերար Սամվել Կարապետյանի միջազգային պաշտպան Ռոբերտ Ամստերդամը։
«Մինչ միջազգային հանրությունը շարունակում է աջակցել Փաշինյանի վարչակազմին, մենք տեսնում ենք իրավունքի գերակայության բացահայտ ոտնահարում, եկեղեցու դեմ սանձազերծված արշավ և քաղաքական հալածանքներ «Ուժեղ Հայաստան» կուսակցության անդամների նկատմամբ»,- ասում է Ռոբերտ Ամստերդամը։
Նա նաև նշում է, որ ազատ և արդար ընտրությունների համար ամենամեծ սպառնալիքը կարող է թաքնված լինել հենց Հայաստանի ներսում՝ Փաշինյանի վարչակազմում, որ ամեն օր կամայական ու դաժան վերահսկողություն է սահմանում Հայաստանի քաղաքացիների նկատմամբ։
«Վերջին 1 տարվա ընթացքում Փաշինյանը շարունակաբար և անվայել ձևով թիրախավորել է քրիստոնեության բնօրրանի՝ Հայաստանյաց եկեղեցու հոգևոր դասը», - ասում է Ռոբերտ Ամստերդամը։
Նա ընդգծում է, որ Փաշինյանը նաև հանդես է գալիս նաև որպես պատմությունը ժխտող անձ։
«Մենք կոչ ենք անում միջազգային հանրությանն անտարբեր չմնալ ու տեսնել Հայաստանի ներսից բխող այս սպառնալիքները։ Միջազգային լռությունն այս սադրիչ ու հակաիրավական վարքագծին պարզապես անթույլատրելի է»,- ասում է Ռոբերտ Ամստերդամը։
Մանրամասն՝ տեսանյութում։
Հետևեք մեզ Facebook-ում