Իրական Հայաստանի ճարտարապետը դուք չեք՝ դուք թուրանական երազանքի բեմադրիչն եք. Լիլիթ Գալստյանը՝ Փաշինյանին

«Խոսքս ուղղում եմ անձամբ Նիկոլ Փաշինյանին, որովհետև  Հայաստանն վաղուց իր ձեռքը կենտրոնացած ավտորիատար ռեժիմ է, որովհետև ներշնչված «պետեություն ես եմ» համոզումով՝ մի կողմ է դրել օերնքի ուժ ունեցող կառավարության ծրագիրը, դրժել է բոլոր խոստումները և հիմա թուրք-ադրբեջանական օրակարգն է դարձրել ուղենիշ»,-կառավարության ծրագրի 2025թ. կատարողականի քննարկման ժամանակ ասաց «Հայաստան» խմբակցության պատգամավոր Լիլիթ Գալսյանը։

Նա նշեց, որ Փաշինյանի դիվանագիտական ձախողումները, վախերը Հայաստանի պարտությունները դարձրել են անշրջելի՝ խորացրել երկրի անկումը։

Գալստյանն ասաց, որ ունենք քաղաքական բանտրակյալներ, հալածվող եկեղեցի, ատելություն, վրեժ, միջազգային նվաստացում, հուսալքված հասարակությունը, լրագրողների ահաբեկում նաև անսահման պոպոլիզմ և սուտ։

«Ալիևը ձեզ է շանտաժի ենթարկում, դուք՝ հայ ժողովրդին, իրականում խոստովանում եք, որ ոչ մի խաղաղություն էլ չեք բերել, տապալել եք երկրի ռազմավարական և դիվանագիտական կարողությունները, որդեգրել եք շարունակական զիջումների, այսինքը քաղաքական և քաղաքակթական ինքնասպանության ճանապարհը,այսպիսով հնարավոր  պատերազմի դեպքում արդարացնում եք հերթական ագրեսիան»,- ասաց պատգամավոր՝ շեշտելով, որ սա խաղաղության մասին չէ։

Նրա կարծիքով արդար, կայուն և երկարատև խաղաղությունը ոչ թե շարունակական զիջումներով է հաստատվում, այլ ամբողջական և արժանապատիվ լուծումներով, ինչի կարողությունը Փաշինյանը չունի։

Գալստյանը հակաօրինական և անառողջ համարելով պետության մասին Փաշինյանի պատկերացումները՝ շարունակեց, որ ՔՊ նախընտրական ծրագրում Հայ Առաքելական եկեղեցու բարենորոգման ծրագիրը հանցագործութոյւն է Հայաստանի սահմանակդրական կարգի դեմ։

Ընդդիմադիր պատգամավորը նկետեց, որ Փաշինյանն ինքն է խճճվում իր ստերի մեջ, մի քանի օր առաջ հայտարարում էր թե ԹՐԻՓՓ-ը մշուշի մեջ է, երկու օր անց այն կայացած իրողություն հայտարարեց, կամ իր հայտարարած 10 հազար դավաճանների մասով ոչ մի հաստատված դեպք չկա։

«Պատմության ռեվիզիա և պարտության լեգիտիմացում, սա է այն ծրագիրը որին լծվել եք դուք և այն ունի անուն՝ «ազգային ուրացում»»,- ասաց Գալստյանը՝ հավելելեով. «Իրական Հայաստանի ճարտարապետը դուք չեք դուք թուրանական երազանքի բեմադրիչն եք, բայց ձեզ ոչ մեկը թույլ չի տվել ջնջել ազգային հիշողությունը»։

 Նա ասաց, որ կառավարության խոստացած 300 դպորցից կառուցվել և վերանորոգվել են 102-ը՝ հիշեցնելով որ Արցախում թշնամուն են թողել 237 դպրոց և հայոց առաջին դպրոցը՝ Ամարասը, 400 վանք և եկեղեցի, վերջապես 3 հազարամյա հայրենիք, որը գին չունի։

Հայտնելով, որ բոլոր ոլորտներում Փաշինյանը ձախողել է՝ Գալստյանը բերեց միջազգային վարկանիշային կազմակերպությունների վիճակագրական ցուցանիշը։

Լիլիթ Գալստյանը հայտարարեց, որ ստեղծված վիճակից միակ ելքի ճանապարհը հունիսի 7-ին գործող իշխանություններին մերժելն է։