Զզվել ենք այս փողոցային հարաբերություններից, խուլիգանական վակխանային ներկա լինելը ոչ մեկին հաճելի չէ. Ռուստամյանը հիմնավորեց Փաշինյանի ելույթների՝ ընդդիմության բոյկոտը

«Իմ համար գլխավորը՝ ընդդիմության մեծ շանս ունենանլն է։ Ընդդիմությունը պետք է աշխատի ընդդիմադիր ձայները մեծացնելու ուղղությամբ։ Այդտեղ արանքում ով՝ ինչքան տոկոս կունենա, ինձ համար հետաքրքիր չէ։ Կարևոր է, որ բոլորը միասին ունենան ավելի շատ մանդատ, քան այսօրվա գործող իշխանությունը»,- ԱԺ ճեպազրույցների սրահում ասաց ՀՅԴ Բյուրոյի ներկայացուցիչ, ԱԺ «Հայաստան» խմբակցության պատգամավոր Արմեն Ռուստամյանը՝ պատասխանելով հարցին, թե իր ներկայացրած ուժը ինչքան ձայներ կստանա ընտրություններում։

Նա ասաց, որ այն հնարավոր է անել ջանքերը համադրելով։ Երկրորդ խնդիրը որ գոյություն ունի, ըստ Ռուստամյանի, ընտրականա գործընթացնրեը 2000 տեղամասերում վերահսկելն է։

 «Այսօր ընդդիմությունն հնարավորություն ունի ամեն տեղամասում 4 մարդ ունենալ, այն նշանակում է 8 հազար մարդ։ եթե դրան գումարենք շտաբային աշատանքները, ապա 15-20 հազար մարդ է պետք որ այս ընտրությունները վերահսկվեն։

Իսկ ընտրությունները պետք է վերահսկվեն, որովհետև այս իշխանություններն իրենց իշխանությունը պահելու համար ամեն ինչի գնալու են՝ կեղծիքներ էլ, ամեն ինչ էլ կանեն, ես չեմ կասկածում։ Իրանց համար սա կյանքի և մահու հարց է։ Այս իշխանություններին փաթեթներով գործեր են սպասում դատարաններում։ Իրենք շատ լավ գիտեն դրա մասին»,- ասաց Ռուստամյանը։

 Արձագանքելով դիտարկմանը, որ ընդդիմությունը միայն Նիկոլ Փաշինյանին է բոյկոտում, իսկ նախարարների զեկույցներին ներկա է՝ ՀՅԴ ներկայացուցիչեն ասաց.

«Այո, զզվել ենք արդեն այս փողոցային հարաբերություններից, խուլիգանական վակխանային ներկա լինելը ոչ մեկի համար հաճելի չէ։ Իրեն հարգող մարդն այդտեղ անելիք չունի»։

 Հայտնելով որ իշխանությունները հոգեվարքի մեջ են՝ Ռուստամյանը փաստեց, որ եթե փաստարկներ ունենային, դրանից կխոսեին, բայց այսօր լսում են փողոցային արտահայտություններ։

 Նա պնդեց, որ ընտրողները լավ գիտեն, որ խորհրդարանում միակ կռիվ տվողը եղել է «Հայաստան» խմբակցությունը, իսկ բոյկոտել են Նիկոլ Փաշինյանի զեկույցը, բայց ելույթների ժամանակ ընդդիմությունն իր ասելիքը կասի։

 Ռուստամյանը նկատեց, որ հարցուպատասխանի ժամանակ կառավարությունն ընդդիմությունից 1։3 հարաբերկացությամբ ելույթի ժամկետի առավելություն ունի, բայց այդ դեպքում էլ տված հարցին Փաշինյանը չի պատասխանում, այլ ուրիշ ելույթ է ունենում, իրարամերժ պատասխաններ է հնչեցնում։

 Պատասխանելով լրագրողի հարցին, թե ինչու են գրանցվում, որ աշխատավարձ ստանանա՝ Ռուստամյանն արձագանքեց, որ պետք չէ իշխանությունների դատարկ խոսքերը կրկնել, ընդդիմությունը գրանցվել է, որպեզի ելույթների ժամին ելույթ ունենա և նախարարներին հարց տան։

Լրագրողն ասաց, թե իշխանությունների հայտարարությունն  է փոխանցում

«Իշխանությունների փոխանցածները եթե գոհար են՝ ուրմը վայ մեր գլխին»,-եզրափակեց Ռուստամյանը։