Մեղադրանք է ներկայացվել «Ուժեղ Հայաստան»-ի Արտաշատի գրասենյակի պատասխանատու Հասմիկ Ամիրզադյանին
Վաղ առավոտից Հակակոռուպցիոն կոմիտեն խուզարկություններ է իրականացրել «Ուժեղ Հայաստան» կուսակցության Արտաշատի բոլոր գրասենյակներում։ Բերման են ենթարկվել 14 անձ։ Մեղադրանք է ներկայացվել «Ուժեղ Հայաստան»-ի Արտաշատի գրասենյակի պատասխանատու Հասմիկ Ամիրզադյանին:
Այս մասին լրագրողներին ասաց նրա պաշտպան Լուսինե Մարտիրոսյանը՝ մեղադրանքի վերաբերյալ մանրամասներ չներկայացնելով: Նա նշել է, որ այժմ քննարկվում է նրա խափանման միջոցի հարցը։
«Ասեմ, որ Ամիրզադյանը 5 որդեգրված անչափանաս երեխա ունի: Հուսով եմ՝ այս հարցը հաշվի կառնվի»,- հայտնել է պաշտպանը:
Մեր հարցմանն ի պատասխան ՀՀ հակակոռուպցիոն կոմիտեից հայտնեցին, որ Կոմիտեում քննվող քրեական վարույթի շրջանակում ձերբակալվել են 14 անձինք՝ ընտրակաշառք տալու և ստանալու մեղադրանքներով:
Անհրաժեշտության դեպքում կտրվի լրացուցիչ տեղեկատվություն:
Հետևեք մեզ Facebook-ում