Դավիթ Մինասյանն ազատ արձակվեց

18-ամյա Դավիթ Մինասյանի կալանքը վերացվեց։ Այս մասին գրել է պաշտպան Լուսինե Մարտիրոսյանը։

«Հսկող դատախազի որոշմամբ` վերացվեց Դավիթ Մինասյանի կալանքը, հենց նոր Դավիթն ազատ արձակվեց Արմավիր ՔԿՀ-ից»,- գրել է Լուսինե Մարտիրոսյանը։

Ավելի վաղ NEWS.am–ը հայտնել էր, որ մարտի 29–ին, Սուրբ Աննա եկեղեցում Փաշինյանի մասնակցությամբ միջադեպ է եղել, Փաշինյանի թիկնապահները նախ հրելով ճանապարհ են բացել, իսկ երբ երիտասարդը նշել է, որ ցանկացել է իր տեղում կանգնած մնալ՝ վեճ է եղել։ Ավելի ուշ ոստիկանները ուժի կիրառմամբ եկեղեցուց բերման ենթարկեցին երիտասարդներին։

Այս գործով 3 անձ ձերբակալվել է, նրանից երկուսը 18 տարեկան երկվորյակ եղբայրներ են՝ Դավիթ ու Միքայել Մինասյանները, երրորդը հասարակական գործիչ Գևորգ Գևորգյանն է։ Փաստաբան Լուսինե Մարտիրոսյանի խոսքով եղբայրներն ունեն բանտարկության հետ անհամատեղելի հիվանդություն։

18–ամյա դպրոցական Դավիթ Մինասյանը 2 ամսով կալանավորվել էր, Նրա եղբայր Միքայել Մինասյանը ազատ էր արձակվել, նրա նկատմամբ կիրառվել էր չբացակայելու արգելք խափանման միջոցը։ Նույն գործող անցնող հասարակական գործիչ Գևորգ Գևորգյանը ևս ազատ էր արձակվել 5 մլն գրավի դիմաց։

Կալանավորումից հետո Դավիթ Մինասյանի ինքնազգացողությունը վատացել էր, գիտակցության կորուստ էր ունեցել, որից հետո նրան տեղափոխել էին նախ «Աբովյանի» ԲԿ, ապա «Նաիրի» ԲԿ։ Դավիթ Մինասյանի մոտ փակ գանգուղեղային տրավմա և ուղեղի ցնցում է հաստատվել: Չնայած դրան՝ ապրիլի 13-ին նրան «Նաիրի» բժշկական կենտրոնից «Արմավիր» ՔԿՀ էին տեղափոխել։
--
Մեր կողմից հավելենք, որ սա, ըստ էության, անձի հետևողական խոշտանգման խայտառակ փաստ է: Դժվար չի ենթադրել, որ18-ամյա Դավիթի խոշտանգումն իրականացվում էր ՔՊ-ի «ժողովրդավար» շեֆ Նիկոլ Փաշինյանի հրահանգով ու գիտությամբ: