Իլհամ Ալիևի օգնական. Եթե չխանգարեն, Ադրբեջանը 1 շաբաթում «կվերադարձնի» Ղարաբաղը

Ադրբեջանի նախագահ Իլհամ Ալիևի օգնական Ալի Հասանովը պատմել է ադրբեջանական բանակի մարտունակության և անվտանգությունն ապահովելու համար տարեկան 3-4 միլիարդ դոլար ծախսերի մասին:

Հասանովը հայտարարել է. «Մենք ամեն տարի մեր անվտանգության ապահովման համար 3-4 մլրդ դոլար ենք ծախսում: Մեր պետությունն իր հզորությունը ցուցադրեց ապրիլյան պատերազմի ժամանակ: Եթե մեզ չխանգարեն, ապա 1 շաբաթվա ընթացքում, առավելագույնը 1 ամսում մենք «կազատագրենք» մեր բոլոր օկուպացված տարածքները»:

Ալի Հասանովը նշել է, որ Ադրբեջանի և ադրբեջանցիների դեմ Եվրոպայում պայքարում է հզոր հայկական սփյուռքը, որը կենտրոններ ունի Բրյուսելում, Լոնդոնում, Փարիզում: 

«Նրանք շատ ուժեղ են: Նրանք սերտ կապեր ունեն եվրոպական էլիտայի հետ»,- այնուհետև հավելել է նա՝ խոսելով հայկական սփյուռքից:

Zham.am