Իրանի ԻՀՊԿ-ն հայտնել է թվով երրորդ իսրայելական կործանիչի խոցման մասին

Իրանի Իսլամական հեղափոխության պահապանների կորպուսը (ԻՀՊԿ) հայտնել է երկրի կենտրոնական հատվածում իսրայելական արդեն երրորդ կործանիչի խոցման մասին, հաղորդում է IRNA-ն:

«Սիոնիստական ռեժիմի թշնամական երրորդ F-16 կործանիչն է խոցվել առավոտյան ժամը 03:45-ին Իրանի կենտրոնական հատվածի երկնքում՝ ԻՀՊԿ օդատիեզերական ուժերի ՀՕՊ արդիական համակարգերի կողմից:

Ավելի քան 200 օդային թիրախների, այդ թվում՝ անօդաչու թռչող սարքերի, թևավոր հրթիռների, լիցքավորող ինքնաթիռների և հակառակորդի բարձրտեխնոլոգիական կործանիչների հաջող հայտնաբերումն ու ոչնչացումը պատերազմի առաջին 3 շաբաթվա ընթացքում ցույց է տալիս Իրանի և տարածաշրջանի երկնքում խախտողների հետևման և որսման հնարավորությունների աճը, ինչպես նաև երկրի պաշտպանական վահանի ամրապնդումը»,- ասված է ԻՀՊԿ հաղորդագրության մեջ:
Աղբյուր՝ News.am