Քաթարը պահանջել է՝ իրանցի կցորդները լքեն երկիրը, Թրամփը հանուն Քաթարի սպառնացել է պայթեցնել «Հարավային Պարսը»

Մերձավոր Արևելքի պատերազմի մեկնարկից մոտ երեք շաբաթ անց Իրանն ուժեղացնում է հարձակումները Արաբական ծոցի երկրների էներգետիկ ենթակառուցվածքների վրա՝ սպառնալով աշխարհի էներգետիկ անվտանգությանը և հանգեցնելով նավթի համաշխարհային գների էլ ավելի բարձրացման:

Նավթի գները չորեքշաբթի աճել են՝ հասնելով մինչև մեկ բարելի դիմաց՝ ավելի քան 110 դոլար։ Կտրուկ թանկացումը հետևել է  Պարսից ծոցի երկրներում էներգետիկ ենթակառուցվածքների վրա Իրանի իրականացրած հարձակումներին: Այս մասին գրում է CNN-ը։

Իրանը 12 ժամվա ընթացքում երկու անգամ հարվածել է ու մեծ վնաս է պատճառել Քաթարի բնական գազի վերամշակման Ռաս Լաֆան գործարանին, որը գլխավոր էներգետիկ հանգույցն է: Աբու Դաբիում գազի շահագործումը կարևոր էներգետիկ օբյեկտներում ժամանակավորապես դադարեցվել է այն բանից հետո, երբ հրթիռների բեկորներն ընկել են օբյեկտների վրա:

Սաուդյան Արաբիան էլ կարողացել է որսալ անօդաչու թռչող սարքեր, դրանից մեկը շարժվում էր դեպի գազային կայան։ Էր Ռիադը  հայտարարել է, որ իրեն իրավունք է վերապահում անհրաժեշտության դեպքում ռազմական գործողություններ ձեռնարկել Իրանի դեմ: Ավելի քան 10 արաբական և իսլամական երկրների արտաքին գործերի նախարարներ ընդունել են համատեղ հայտարարություն՝ կոչ անելով Իրանին անհապաղ դադարեցնել իր հարձակումները:

Քաթարը Ռաս Լաֆանի հարվածից հետո վտարել է Իրանի ռազմական և անվտանգության կցորդներին՝ պահանջելով լքել երկիրը 24 ժամվա ընթացքում:

Ինչ վերաբերում է ԱՄՆ-ին, ապա այդ երկրի նախագահ Դանոլդ Թրամփը հայտարարել է, որ Միացյալ Նահանգները տեղյակ չեն եղել Իսրայելի կողմից «Հարավային պարս» հանքավայրին հարվածելու ծրագրերից։

«Իսրայելն այլևս հարվածներ չի հասցնի Իրանի «Հարավային Պարս» գազի խոշոր հանքավայրին, բայց եթե Իրանը կրկին հարձակում իրականացնի Քաթարի վրա, ապա ԱՄՆ-ն կարձագանքի և հանքավայրն ամբողջությամբ կպայթեցնի»,-հայտարարել է Թարմփը։
Աղբյուրը` Panorama.am