ՆԱՏՕ-ի դաշնակիցները հրաժարվել են մասնակցել Իրանի դեմ պատերազմին, և մենք նրանց օգնության կարիքը չունենք. Թրամփ

Միացյալ Նահանգների ՆԱՏՕ-ի դաշնակիցների մեծ մասը հրաժարվել է մասնակցել Իրանի դեմ պատերազմին։ ԱՄՆ նախագահ Դոնալդ Թրամփը դրա մասին հայտարարել է Truth Social սոցիալական ցանցում։

«Միացյալ Նահանգները մեր ՆԱՏՕ-ի «դաշնակիցների» մեծ մասից տեղեկացվել է, որ չեն ցանկանում մասնակցել Մերձավոր Արևելքում Իրանի ահաբեկչական ռեժիմի դեմ մեր ռազմական գործողությանը։ Չնայած այն հանգամանքին, որ գործնականում բոլոր երկրները մեծ մասամբ աջակցում են մեր գործողություններին և ճանաչում են, որ Իրանը երբեք չպետք է միջուկային զենք ունենա»,- նշել է Թրամփը՝ հավելելով, որ ինքը չի զարմացել նրանց որոշումից։

«Ես ՆԱՏՕ-ն, որտեղ մենք տարեկան հարյուրավոր միլիարդավոր դոլարներ ենք ծախսում այդ երկրների պաշտպանության վրա, միշտ համարել եմ միակողմանի կազմակերպություն. մենք պաշտպանում ենք նրանց, մինչդեռ նրանք ոչինչ չեն անում մեզ համար, հատկապես խիստ անհրաժեշտ պահերին»։

Բարեբախտաբար, մենք լուրջ վնաս ենք հասցրել Իրանի զինված ուժերին՝ ոչնչացվել է նրանց նավատորմը, ոչնչացվել են նրանց օդուժը, ոչնչացվել են նրանց հակաօդային պաշտպանության և ռադարային համակարգերը, և, թերևս ամենակարևորը, ոչնչացվել են նրանց առաջնորդները գրեթե բոլոր մակարդակներում, որպեսզի նրանք այլևս երբեք սպառնալիք չներկայացնեն մեզ, մեր դաշնակիցներին Մերձավոր Արևելքում կամ ամբողջ աշխարհին։

Քանի որ մենք հասել ենք նման ռազմական հաջողությունների, այլևս ՆԱՏՕ-ի երկրների «կարիքը  չունենք» կամ չենք ցանկանում նրանց օգնությունը. ՄԵՆՔ ԵՐԲԵՔ ԷԼ ՆՐԱՆՑ ԿԱՐԻՔԸ ՉԵՆՔ ՈՒՆԵՑԵԼ։ Նույնը վերաբերում է Ճապոնիային, Ավստրալիային և Հարավային Կորեային։

Որպես Ամերիկայի Միացյալ Նահանգների նախագահ, անկասկած աշխարհի հզորագույն երկիրը, ես ասում եմ. մենք ոչ մեկի օգնության կարիքը չունենք|։

Աղբյուր՝ News.am