Իսրայելը հայտնում է, որ իր ՌՕՈՒ-ն անցած օրվա ընթացքում հարվածներ է հասցրել Իրանի ավելի քան 400 ռազմական օբյեկտների
Անցած օրվա ընթացքում Իսրայելի ռազմաօդային ուժերը ավարտել են հարվածների լայն շարքը Իրանի արևմտյան և կենտրոնական շրջաններում, որի ընթացքում մեծ քանակությամբ զինամթերք է նետվել Իրանի ռազմական ենթակառուցվածքների ավելի քան 400 օբյեկտների վրա, ասվում է Իսրայելի պաշտպանության բանակի (ՑԱՀԱԼ) հայտարարությունում։
ՑԱՀԱԼ-ը նշել է, որ հարվածների ենթարկված օբյեկտների թվում եղել են բալիստիկ հրթիռների արձակման կայաններ և լրացուցիչ զենքի արտադրության օբյեկտներ։
««Առյուծի մռնչյուն» գործողության սկզբից ի վեր Իսրայելի ռազմաօդային ուժերը հարյուրավոր հարվածներ են հասցրել արձակման կայաններին, հակաօդային պաշտպանության համակարգերին, զենքի պահեստներին և լրացուցիչ ենթակառուցվածքներին, որոնք պատկանում են իրանական ահաբեկչական ռեժիմին։ Այս հարվածները նպատակ ունեն որքան հնարավոր է կրճատել հարվածները, որոնք ուղղվում են Իսրայելի պետության տարածքի վրա», – հայտարարել է իսրայելական բանակը։
Աղբյուր՝ News.am

