Հակիրճ քրոնիկոն՝ «Մայր Հայաստան» խմբակցության ընթացիկ գործունեությունից
Հակիրճ քրոնիկոն՝ «Մայր Հայաստան» խմբակցության ընթացիկ գործունեությունից, որն իրականացվել է հրատապության ռեժիմով եւ դուրս մնացել լուսաբանումից։
Մոլդովական փողոցի հ․43 շենքի հարակից տարածքի դիտահորի խցանումը վերացվել է։ Մոլդովական փողոցի հ.43 և հ.43/1 հասցեների համար պատվիրվել է կոյուղագծի կառուցման/վերակառուցման աշխատանքների նախագծանախահաշվային փաստաթղթեր։
Ա. Տիգրանյան նրբանցքի հ. 4 հասցեի կոյուղատար համակարգի խցանումը վերացվել է և նախատեսվել է իրականացնել նոր կոյուղատարի կառուցում։
Բագրատունյաց պողոտայի հ.35 հասցեի հարակից տարածքում առկա դիտահորի խնդրի վերաբերյալ իրականացվել են վթարավերականգնողական աշխատանքները և ջրագծի արտահոսքը վերացվել է։
Ավանեսով 8 հասցեի դիտահորի խցանումը վերացվել է։
Վարդանանց փողոց հ.22 շենքի 5-րդ մուտքում կոյուղու խողովակը բաց վիճակում հարկերով անցկացնելու վերաբերյալ բնակիչը պարտավորվել է խողովակը ծածկել։
Շենգավիթ վարչական շրջանի Շիրակի 58 շենքի ջրահեռացման համակարգը քաղաքային կոլեկտորին միացված չէ, որի պատճառով պարբերաբար խնդիրներ են առաջանում։ Միջնորդել ենք խնդրին տալ վերջնական լուծում։
Երևանի ավագանու «Մայր Հայաստան» խմբակցության ղեկավար Մանուկ Սուքիասյանի ֆեյսբուքյան էջից
Հետևեք մեզ Facebook-ում