Իսկ նվազագույն աշխատավարձը, որը ստանում են աշխատող աղքատները, 5 տարում աճել է ընդամենը 8 հազար դրամով. Թադևոս Ավետիսյան

«Աշխատող աղքատների կյանքի որակը նախորդ 5 տարիներին նվազել է գնաճով պայմանավորված և սրա հիմնական պատգճառներից են աշխատավարձերի անարդար բաշխման խորացումը և ներառականության նվազումը»,- ԱԺ հայտարարությունների ժամին ասաց «Հայաստան» խմբակցության պատգամավոր Թադևոս Ավետիսյանը։

Նա նշեց, որ միջին ամսական աշխատավարձը շեշտակի աճել է շուրջ 80 հազար դրամով։

«Իսկ նվազագույն աշխատավարձը, որը ստանում են աշխատող աղքատները,  աճել է ընդամենը 8 հազար դրամով, այսինքը 10 անգամ ավելի պակաս»,- ասաց պատգամավորը՝ նշելով որ նվազագույն և միջին աշխատավարձերի հարաբերակցությւոնը 2025 թվականին դարձել է 31 %։

Ընդդիմադիր պատգամավորը նշեց, որ նվազագույն սպառողական զամբյուղի արժեքը մոտ 80 հազար դրամ է, որը 5 հազար դրամով ավել է նվազագույն ամսական աշխատավարձից, իսկ 2021 թվականին ընդամենը այդ տարբերությւոնը 1500 դրամ էր։

Նա հիշեցրեց, որ կառավարության ծրագրով նախատեսված էր, որ նվազագույն աշխատավարձը լինի 85 հազար դրամ, բայց ներկայում 10 հազար դրամով պակաս է, իսկ իրականում միջազգային պարտավորությունները կատարելու համար պետք է լիներ 95 հազար դրամ:
Աղբյուրը` Panorama.am