Իմ և Նիկոլ Փաշինյանի ամուսնությունն ավարտվել է, ես լքում եմ կառավարական առանձնատունը. Աննա Հակոբյան
«Իմ և վարչապետ Նիկոլ Փաշինյանի ամուսնությունն ավարտվել է։ Ես նշել էի քաղաքացիական ամուսնությունը, որովհետև այլ ամուսնություն չունենք։ Ես լքում եմ կառավարական առանձնատունը»,- հայտարարել է Աննա Հակոբյանը։
Նա հայտնել է, որ տեղափոխվում է վարձակալած բնակարան. «Տուն չունեմ, այն տունը, որը վարկով գնվել է, շենքը կառուցման ճանապարհին է, հետևաբար տեղափոխվում եմ վարձակալած բնակարան»։ Աննա Հակոբյանն ասել է, որ քարտին ունի 5 միլիոն դրամ. «Կարծում եմ՝ բավարար է ինձ ապրելու համար»։
«Չունեմ մեքենա, չեմ ունենա պետական պահպանություն»,- տեսանյութում ասել է Աննա Հակոբյանը։
--
«Աննայի որոշմանը վերաբերվում եմ հարգանքով»,- այսպես է արձագանքել Նիկոլ Փաշինյանը Աննա Հակոբյանի հայտարարությանը, որ իր և Փաշինյանի ամուսնությունն ավարտվել է, լքում է կառավարական առանձնատունը։
«Վերջին 30 տարում իմ բոլոր դժվարին օրերին նա եղել է իմ կողքին, եղել է իմ ապավենն ու հենարանը։ Վստահ չեմ, թե ես նրա համար եղել եմ այդպիսին։
Թերեւս ավելի շատ դառնություն եմ պատճառել, ինչի համար ներողություն եմ խնդրում»,- գրել է Փաշինյանը։
Հետևեք մեզ Facebook-ում