Փաշինյանը կարծում է, թե ոստիկանապետի տեղակալներն են մեղավոր, այլ ոչ թե այն, որ մի ամբողջ համակարգ զբաղված է միայն իր քմահաճույքներն սպասարկելով

Փաշինյանի հրահանգով պաշտոնանկ են եղել ոստիկանապետի երեք տեղակալները

«Իշխանություն» լրատվականի տեղեկություններով՝ քիչ առաջ աշխատանքից ազատվել են ՆԳՆ ոստիկանության ՔՈԳՎ պետ, ոստիկանապետի տեղակալ Վարդան Վարդանյանը, Պարեկային ծառայության պետ, ոստիկանապետի տեղակալ Արթուր Խուդինյանը, և ՀՈԳՎ պետ, ոստիկանապետի տեղակալ Կարեն Հակոբյանը:

ՆԳՆ Ոստիկանության ղեկավար կազմի պաշտոնանկությունները պայմանավորված են Հայաստանում վերջին օրերին տեղի ունեցած աղմկահարույց սպանություններով: Նման հրահանգ է տվել անձամբ Նիկոլ Փաշինյանը:
--
Մեր կողմից. մի քանի դիտարկում.
1. Նիկոլ Փաշինյանին թվում է (կամ նա կարծում է), որ քրեածին վիճակը լարվել է ոստիկանապետի տեղակալների վատ աշխատանքի հետևանքով, այլ ոչ թե այն պատճառով, որ մի ամբողջ համակարգ (նաև ԱԱԾ-ն) արդեն առնվազն 10 ամիս զբաղված է փաշինյանական իշխանության հակաեկեղեցական քմահաճույքներն սպասարկելով: 
2. Շուրջ 10 ամիս է, որ ոստիկանության ամբողջ ստորաբաժանումներ զբաղված են
ա) Հայոց եկեղեցիներում ՔՊ-ական ժողովների անցկացումն ապահովելով,
բ) քահանաների, եպիսկոպոսների հետապնդելով, ճնշումներ գործադրելով,
գ) իրական հայ հավատացյալներին քաշքշելով եկեղեցիներից դուրս հանելով,
դ) կարգալույծ նախկին հոգևորականների, ժողովրդական բառուբանով ասած՝ քպ-իսկոպոսների պահպանությունն ապահովելով: 
3. Որևէ կասկած չկա, որ պաշտոնանկված այդ ոստիկանները, ինչպես նաև ոստիկանական համազգեստ կրող այլոք ժամանակին Նիկկոլ Փաշինյանին ու նրա իշխանությանը ծառայություններ են մատուցել, մասնավորապես, բողոքի ցույցերի, ցուցարարների դեմ ինչ-ինչ գործողություններ ապահովելու հարցերում: Համենայն դեպս, նրանք շարունակել են ծառայել ՔՊ-ի իշխանությանը նաև այն բանից հետո, երբ հանձնվեց Արցախը, նաև այն բանից հետո, երբ 2024-ի հունիսին նռնակահարվեց խաղաղ ցույցն ու մոտ 100 մարդ վիրավորվեց: 
Նրանք կարծում էին, թերևս, որ իրենք նվիրվածությամբ ծառայում են Փաշինյանին ու իրենց ձեռք չեն տա: 
Նմաննները թող տեսնեն և իմանան. Նիկոլ Փաշինյանը հանուն իր իշխանությունը պահելու, կարող է իրենց առանձին-առանձին, նաև՝ բոլորին միասին «ժերտվա տալ»: