Որտեղ եղավ Վեհափառը այնտեղ լինելու է Վեհարանը․ Վանեցյան

«Ամեն կերպ կանգնած ենք լինելու Եկեղեցու և Վեհափառի կողքին»,-այս մասին նշել է  «Հայրենիք» կուսակցության նախագահ Արթուր Վանեցյանը։

Կուսակցության էջում հրապարալվել է Վանեցյանի Լոռու մարզ կատարած այցից կադեր և եկեղեցու ու Վեհափառի մասին նրա դիատրկումները։

«Եթե նայում ենք էս իշխանությունների վարած քաղաքականությունը, մի բան ենք հասկանում՝ միգուցե գիտակցված, միգուցե արտաքին ուժերի հրահանգով, հայ ինքնությունն են փորձում վերացնել, իսկ հայ ինքնությունը դարեր ի վեր պահել է եկեղեցին։ Ամենադժվար ժամանակահատվածում, երբ պետություն չենք ունեցել, երբ  ցեղասպանություն ենք ապրել, մենք համախմբվել ենք եկեղեցու շուրջ։ Տարբեր երկրներում սփյուռքին ինչի՞ շուրջ է համախմբված, բացառապես՝ եկեղեցու։ Հայոց լեզուն սփյուռքի օջախներում պահպանվում է հենց եկեղեցու շնորհիվ, եկեղեցում գործող կիրակնօրյա դպրոցներում։ Եթե ասում են, օրինակ, «Վեհափառը՝ Վեհափառ չէ, եկել մտել են փաստացի մեր տները՝ 99 թ․-ից», Գարեգին 2-րդ Վեհափառը հանդիսանում է մեր եկեղեցու գլուխը, և մեր այսօր գործող հոգևորականների 90 և ավելի տոկոսը ձեռնադրված են Գարեգին Վեհափառի կողմից։ Այսինքն՝ եթե մենք ասում ենք՝ Գարեգին Վեհափառը Վեհափառ չէ, դա նշանակում է, որ այն հոգևորականները, որոնց ինքը ձեռնադրել է , դրանք էլ հոգևորական չեն։ Եթե նրանք էլ հոգևորական չեն, մեր կնունքները, հարսանիքները, հոգեհանգիստը, մահացած մարդիկ, երբ  եկեղեցականները, հոգևորականները եկել են, ինչ-որ կարգ են անցկացրել, մենք հիմա պետք է ասենք, որ հոգևորականներ չեն»։ 

Ըստ Վանեցյանի՝  եկեղեցու դեմ  իրականացվում է ուղղորդված արշավ՝  հայի ինքնությունը վերացնելու նպատակով։

«Վեհափառին չես կարող հանելս, չես կարող հեռացնել, չես կարող դատել, ինչ ուզում ես արա Վեհափառին, որ տանես  նստացնես КГБ-ի պադվալի մի հատ խուց, Վեհարանը դառնալու էդ պադվալի խուցը, որտեղ եղավ Վեհափառը՝ Վեհարանը դա է»։

Ավելի մանրամասն՝ տեսանյութում։