Եթե Վարդան Ղուկասյանի փեսան չլինեի, մեղադրյալի աթոռին չէի լինի. Ավետիս Առաքելյան

Գյումրու քաղաքապետ Վարդան Ղուկասյանի որդո՝ Սպարտակ ՂՈըկասյանին նոր մեղադրանք է առաջադրվել։ Այսօր, կոնկրետ այդ մեղադրանքով, Հակակոռուպցիոն դատարանում, դատավոր Սարգիս Դադոյանի նախագահությամբ, կայացել է առաջին նիտը։ 24news-ի հաղորդմամբ,  Սպարտակ Ղուկասյանը հրաժարվել է գալ դատարան, քանի որ կարծում է` այս գործը շինծու է և քաղաքական պատվեր:

Նիստի ընթացքում դատավոր Սարգիս Դադոյանն ընթերցել է «Արմավիր» ՔԿՀ-ից ստացված ձեռագիր գրված արձանագրությունը:

Վարդանի Ղուկասյանին մեղադրանք է առաջադրվել այն բանի համար, որ նա խմբի կազմում կազմակերպել և ղեկավարել է պաշտոնատար անձի օրինական ծառայողական գործունեությանը միջամտելու նպատակով պաշտոնատար անձի գույքի վնասում և ոչնչացում և նույն նպատակով պաշտոնատար անձի նկատմամբ բռնության գործադրում, ինչպես նաև՝ կազմակերպել և ղեկավարել է հասարակական անվտանգությանը սպառնացող զանգվածային անկարգություններ, որոնք զուգորդվել են բռնության գործադրմամբ, գույք ոչնչացնելով և վնասելով։ Այս գործով մեղադրյալներ են նաև Կարապետ Գագիկի Ղուկասյանը, Գյումրի համայնքի ժամանակավոր պաշտոնակատար Ավետիս Առաքելյանը և Արտյոմ Արտուշի Մկրտչյանը:

Դատական այսօրվա նիստից հետո Գյումրի համայնքի ժամանակավոր պաշտոնակատար Ավետիս Առաքելյանն ասաց, որ եթե ինքը  Վարդան Ղուկասյանի փեսան չլիներ, մեղադրյալի աթոռին չէր լինի։ Հարցին՝ իրեն պատժում են Վարդան Ղուկասյանի փեսան լինելու համա՞ր, նա նշեց. «Ինձ թվում է, այո։

Ոչ մի մտավախություն չկա, դուրս ենք եկել պայքարի և այդ պայքարը շարունակելու ենք հասցնելու ենք իր նպատակին»։ 

Նա նշեց, որ «օպերացիայի» ողջ ընթացքում ինքը 3-րդ հարկում է  եղել, գտնվել է իրավապահ մարմինների տեսադաշտում։ 

«Միանշանակ, քաղաքական պատվերներ կան այս գործով։ Բազմիցս հայտարարեմ եմ՝ եթե իմ հանդեպ էլ սկսեն անհարկի կալանք և այլն, ապա քաղաքը կտանեք կոլապսի, ինչպես եղավ 2024 թվականին, այնպես էլ հիմա»,- ասաց Ա. Առաքելյանը։