«Ասեք, չանենք»-ի հետևանքները (տեսանյութ)
ՔՊ-ականները գլուխ են գովում, որ Երևանի բյուջեն ավելացել է, բայց չեն ասում, որ ավելացել է գույքահարկի բարձրացման, կարմիր կետագծերով ավտոկայանատեղիների գնի 13 անգամ թանկացման, աղբահանության, տրանսպորտի թանկացման, տեղական տուրքերի ու վճարների բարձրացման հաշվին:
Այս մասին ասել է «Մայր Հայաստան» կուսակցության վարչության անդամ Արեգնազ Մանուկյանը։
«Երևանի բյուջեն ավելացել է, բայց երևանցիների կյանքը չի լավացել: Որոշ դեպքերում նույնիսկ վատացել է:
Ու, փաստացի, երևանցիներին ու մայրաքաղաքի հյուրերին մնում է թանկ վճարելը, սառցակալած փողոցներում ու մայթերում կոտրվածքներ ստանալը, ՔՊ-ականների սահմանած բարձր հարկերը վճարելը և կոռուպցիոն գործարքներին ականատես լինելը:
«Ասեք, կանենք» կարգախոսով իշխանության եկածները հերթական անգամ խաբեցին երևանցիներին: Թեև Նիկոլ Փաշինյանի թիմակիցներից այլ բան չէր էլ կարելի սպասել»,-նշել է Արեգնազ Մանուկյանը։
Հետևեք մեզ Facebook-ում