Երկիրը չի կարող առաջնորդվել սմայլիկներով ու հեշթեգներով. Մհեր Մելքոնյան

ԱԺ «Հայաստան» խմբակցության պատգամավոր Մհեր Մելքոնյանը ֆեյսբուքյան իր էջում գրում է.

«Երբ երկիրը ղեկավարում են սոցիալական ցանցերի միջոցով, պետությունը վերածվում է «սթորիի»։

Ոչ թե ռազմավարություն է ձևավորվում, այլ՝ լայքեր են հավաքվում։

Ոչ թե խնդիրներ են լուծվում, այլ՝ գրառումներ են արդարացվում։

Պետական կառավարման փոխարեն ունենք ֆեյսբուքյան կառավարում․
որոշումները չեն կայացվում մասնագիտական քննարկումներով, այլ՝ մեկնաբանությունների ճնշմամբ:

Պետական ձախողումները չեն ընդունվում, այլ՝ խմբագրվում են գրառումներով։

Երկիրը չի կարող առաջնորդվել սմայլիկներով ու հեշթեգներով։

Անվտանգությունը չի ապահովվում ուղիղ եթերով։

Սոցիալական ծանր վիճակը չի մեղմանում «սրտիկներով»։

Եվ ժողովրդի վստահությունը չի կառուցվում կեղծ ֆեյսբուքյան ակտիվությամբ։

Պետությունը սոցցանց չէ։

Պետությունը լուրջ պատասխանատվություն է…»: