ՀԱԿ-ը մասնակցելու է ընտրությւոններին՝ վարչապետի թեկնածու առաջադրելով Լևոն Զուրաբյանին

«Ուզում եմ տեղեկացնել, որ միաձայն և՛ հանրապետական խորհուրդը, և՛ կուսակցության գործադիր մարմինը կայացրել են որոշում մասնակցել առաջիկա ընտրություններին և որպես վարչապետի թեկնածու առաջադրել ՀԱԿ վարչության փոխնախագահ Լևոն Զուրաբյանին»,-հրավիրված հանդիպմանն ասաց «Հայ ազգային կոնգրես»  կոիսակցության վարչության անդամ Արամ Մանուկյանը։

Նա հայտնեց, որ խիստ կարևորում են առաջիկա ընտրություններին իրենց մասնակցությունը։

«Այն սովորական ընտրություններ չեն, բացարձակ խորհրդարան մտնելու խնդիր չէ։ Մենք գտնում ենք, որ մեր երկիրը գտնվում է վտանգավոր՝ ինքնիշխանության կորստի փուլում,  կորցնում ենք մեր պետականությունը և այս փուլում բոլոր նրանք, ովքեր ընդամնեը խորհրդարան մտնելու խնդիր են տանում, ուղղակի նպաստում են իշխանությունների օրակարգին»,- ասաց ՀԱԿ անդամը։

Մանուկյանը հայտնեց, որ իրենց խնդիրը շատ ավելի մեծ է ու մտահոգիչ և նախընտրական պայքարի մեջ են մտնում մեծ դաշինք ձևավորելու համար, որով հնարավոր լինի մեր երկիրը փարկել գահավիժումից։

«Մեր պետականության պահպանությունը հազարապատիկ ավելին է քան խորհրդարան մտնելը, մեր գերխնդիրը դա է»,- հայտարարեց Արամ Մանուկյանը՝ նշելով, որ այդ առաքելությամբ են մտնելու քաղաքական պայքարի մեջ և փորձելու են այլ ուժերի և անհատների հետ կոալիցիա ձևավորել։

 Նրա խոսքով վերջին ընտրությունները ցույց են տալիս, որ իշխանություններն ունեն ընդամնեը 10%  աջակցություն և նրան չհաղթելն ամոթ կլինի։
Աղբյուրը` Panorama.am