Երևանում 6 000 - 7000 բաժանորդ զրկվել է գազամատակարարումից

Լրագրող Նարինե Կիրակոսյանը հայտնում է. «Մայրաքաղաքի Դավթաշեն թաղամասը սնուցող գազատարը` Զովունուց Երևան մտնող հատվածում, վնասվել է։ Նախնական գնահատականով` խողովակը ֆիզիկական մաշվածության պատճառով է վնասվել։ Վթարի մասին ահազանգը «Գազպրոմ Արմենիա» ՓԲԸ աշխատակիցները ստացել են առավոտյան 8:30 ի սահմաններում։ Այս պահին, ըստ ընկերության աշխատակիցների նախնական տվյալների, գազամատակարարումից զրկվել են 6-7 հազար բաժանորդ։
«Գազպրոմ Արմենիայի» մասնագետները արագ արձագանքման խմբերով մոտենում են բաժանորդներին և գազի անջատման-միացման անվտանգության կանոնները բացատրում։ «Այս պահի դրությամբ դեռ վաղ է ասել, թե ե՞րբ կավարտվեն վթարի հետևանքով վնասված խողովակի վերանորոգման աշխատանքները, բայց մեր մասնագետները նախնական խոստանում են այսօր, մինչև 18:30-ին մոտ վերականգնել գազամատակարարումը»,- պարզաբանեց «Գազպրոմ Արմենիայի» աշխատակիցներից մեկը։