«Ապահովելով անձի, հասարակության և պետության անվտանգությունը». Գեղամ Մանուկյանին պատասխանել են ԱԱԾ-ից՝ այս հիմնավորմամբ խմբագրվում է պատարագի տեքստը
ՀՅԴ ԳՄ անդամ, ԱԺ «Հայաստան» խմբակցության պատգամար Գեղամ Մանուկյանը գրավոր հարցում է ուղարկել Ազգային անվտանգության ծառայություն՝ պարզելու, թե որ օրենքի ինչ կետի հիման վրա է ԱԱԾ օպերատիվ աշխատողների կողմից խմբագրվում Հայ Առաքելական եկեղեցու պատարագի տեքստը։
Ֆեյսբուքյան ուղիղ եթերում այսօր նա ներկայացրեց ԱԱԾ-ից ստացած պատասխանը, որը շատ կարճ է. «Ապահովելով անձի, հասարակության և պետության անվտանգությունը»։
«Պատկերացնում եք՝ պատարագ են խմբագրում այս ձևակերպման հիման վրա»,- ասաց Գ. Մանուկյանը։
Հիշեցնենք, որ վերջին շրջանում առանձին հոգևորականների կողմից Սուրբ Պատարագի արարողության ընթացքում, որին մասնակցում է Նիկոլ Փաշինյանը, Ամենայն Հայոց Կաթողիկոսի անունը զեղչվում է։
Դեկտեմբերի 4-ին ճեպազրույցում Նիկոլ Փաշինյանն ասել էր. «Ես գնում են այն պատարագներին, որտեղ Կտրիճ Ներսիսյանի անունը չի հնչում։ Երբ որ ես մտադիր եմ մասնակցել, մենք խնդրում ենք, որպեսզի այս փաստը, որ մենք համարում ենք, որ Կտրիճ Ներսիսյանը կաթողիկոս չէ, հաշվի առնել: Մի դեպքում կարող է ծանոթ լինել, կարող է ԱԱԾ աշխատող լինել, կարող է բարեկամ լինել, կարող է իմ օգնականը լինել, կախված է՝ ով, ում է ճանաչում և ինչ անձնական կապեր ունի»։
Աղբյուրը` Panorama.am
Հետևեք մեզ Facebook-ում