Շարունակվում են հարձակումները մեր սուրբ Եկեղեցու դեմ. Գարեգին Բ–ի խոսքը՝ Մայր Աթոռում

Մայր Աթոռ Սուրբ Էջմիածինն Աստծո հետ մեր ժողովրդի հավերժական ուխտի խորհրդանիշն է։ Աստվածակառույց Սուրբ Էջմիածինը աշխարհասփյուռ հայոց ազգի միաբանության, մեր ինքնության ու ժառանգության պաշտպանության, հավատքի պայծառության անխորտակելի սրբությունն է։  Ցավոք, պատմության հոլովույթներում եղել են նաև ուժեր, որոնք ձգտել են կասկածի տակ առնել եկեղեցու առաքելությունը, ծառայեցնել եկեղեցին՝ Սուրբ Էջմիածինը, տարատեսակ նեղ շահերի։ Այդ մերժելի իրողությունը բաժանումներ է առաջացրել ներազգային կյանքում՝ մասնատել մեր ժողովրդին, տկարացրել և թուլացրել  մեր պետությունը՝ կանգնեցնելով կորստաբեր վտանգի առջև։ Այս մասին Մայր Տաճարում ժամերգության ավարտին ասաց Ամենայն Հայոց Կաթողիկոս Գարեգին Բ-ն։ 

 «Ինքն իր մեջ բաժանված ամեն թագավորութուն՝ ավերվում է, ինքն իր մեջ բաժանված ամեն քաղաք կամ տուն՝ չի մնում։ Այսօր տագնապային օրեր ենք ապրում` մեր երկիրը գտնվում է անվտանգային լուրջ մարտահրավերների առաջ, բայց այս պայմաններում, փոխանակ հանրության մեջ հաշտության, հանդուրժողականության, միասնության ոգին վերականգնելու, եկեղեցի-պետություն խաթարված հարաբերությունները վերականգնելու, ընդհակառակը՝ շարունակվում են հարձակումները հայ եկեղեցու վրա։ Սուրբ Էջմիածնի հանդեպ հերթական ոտնձգությունը կատարվեց այսօր, ցավոք, նաև որոշ մեր եկեղեցականների միջոցով, բայց   հավատավոր մեր ժողովուրդը մնում է աներեր»,- ասաց Վեհափառ Հայրապետը՝ նշելով, որ այս աղմուկը երբեք չի կարող խաթարել իրենց ծառայությունը։
Աղբյուրը՝ «Փաստինֆո»