Իբր բացատրեց ՔՊ-ականը. ազգությամբ եզդի, ՀՀ քաղաքացուն Ֆրանսիայից տեղափոխել են Երեւան. Զեյնալյանը՝ թուրքական Շտապօգնության մասին
Սոցցանցերում լայն արձագանք է ստացել այն տեսանյութը, որն արվել է երեկ, դեկտեմբերի 12-ին: Տեսանյւթում երևում է, թե ինչպես է թուրքական զինանշանով ու թուրքական համարանիշներով շտապ օգնության մեքենան Երևանում շարժվում դեպի «Գրիգոր Լուսավորիչ» բժշկական կենտրոն («Մասիվի հիվանդանոց»):
Հիշյալ ԲԿ ՔՊ-ական տնօրեն Նարեկ Զեյնալյանը որոշել է, իր կարծիքվ, բացատրել տեղի ունեցածը. «Ինձ համար անհասկանալի և անընդունելի է, երբ շահարկում են հիվանդ տեղափոխող այլ պետության շտապ օգնության մեքենան և քաղաքական երանգավորում տալիս՝ անկախ այն հանգամանքից, թե որ պետության շտապ օգնության մեքենա է։
Ազգությամբ եզդի, Հայաստանի Հանրապետության քաղաքացուն, Ֆրանսիայի Կոլմար քաղաքից, շտապ օգնության մեքենայով տեղափոխել են Հայաստան՝ Սուրբ Գրիգոր Լուսավորիչ բժշկական կենտրոն»,– գրել է նա իր ֆեյսբուքյան էջում։
Շատ անհաջող «կռուտիտ» է, պետք է նկատել:
Ու այստեղ ավելի շատ հարցեր են առաջանում. եթե հիվանդին Ֆրանսիայից էին տեղափոխում, միգուցե ֆրանսիակա՞ն շտապ օգնության մեքենա պիտի լիներ: Երկրորդը. եթե անգամ Թուրքիայի տարածքով հիվանդին տեղափոխել են թուրքական շտապ օգնության մեքենայով, ի՞նչն էր խանգարում, որ սահմանն անցնելիս, հիվանդը տեղափոխվեր հայկական շտապ օգնության մեքենայի մեջ: Այսինքն, ի՞նչ ընթացակարգերով է որոշվել, որ թուրքական մեքենան, Թուրքիայի զինանշան-խորհրդանիշով «զարդրված», շրջի Հայաստանում և մայրաքաղաքում:
Հակահայ ու հայատյաց, ցեղասպանական Թուրքիայի զինանշանն ինչո՞ւ պիտի ցուցադրվի Երևանում: ՔՊ-ի ու ՔՊ-ականների համար երևի նորմալ է, իրենք երևի իրենց կուսակցական գրասենյակում արդեն թուրքական դրոշնե՞ր են տնկել: Կամ էլ, պետք է ենթադրել, նման «օյիններով» ուզում են Երևանում թուրքական խորհրդանիշներ «ծածանելը» սովորական մի բա՞ն դարձնել:
Տեսանյութը՝
Հետևեք մեզ Facebook-ում