Փաշինյանի իշխանության նոր նվաճումները. Հայաստանում արևածաղկի բուսական յուղը թանկացել է 15%–ով, կակաոն՝ 30%–ով. վիճակագրություն
ՀՀ սպառողական շուկայում 12–ամսյա գնաճը (2025 թ. նոյեմբերը 2024 թ. նոյեմբերի նկատմամբ) կազմել է 3.1%, իսկ հոկտեմբերի նկատմամբ` 0.6 %: Այս տվյալները ներկայացվել են ՀՀ վիճակագրական կոմիտեի` այսօր հրապարակած «Սպառողական գների փոփոխությունները ՀՀ–ում 2025 թ. հունվար–նոյեմբերին» զեկույցում։
Կոմիտեից նշում են, որ 2025 թ. նոյեմբերին 2024 թ. նոյեմբերի համեմատ հանրապետությունում արձանագրվել է սննդամթերքի և ոչ ալկոհոլային խմիչքի 3.8%, իսկ 2025 թ. հոկտեմբերի համեմատ՝ 1.3 % գնաճ:
2025 թ. նոյեմբերին 2024թ նոյեմբերի համեմատ հանրապետությունում հացի գինն աճել է 3%–ով, ալյուրինը՝ 4.8%–ով, հնդկացորենինը՝ 7.9 %–ով, մակարոնեղենինը՝ 8.8 %–ով:
Ինչ վերաբերում է մսամթերքին, ապա թռչնամիսը այս տարվա նոյեմբերին 2024 թ. նոյեմբերի համեմատ թանկացել է 1.8%–ով, տավարի, խոզի և գառան միսը՝ 4.2%, 9.9% և 13.5%–ով:
Մարգարինն ու կարագը նախորդ տարվա նոյեմբերի համեմատ թանկացել են 5.3 % և 11.9%–ով:
Ըստ վիճակագրության` բանջարեղենը նախորդ տարվա նոյեմբերի համեմատ էժանացել է 7.8%–ով, իսկ միրգը` թանկացել 3.1%–ով։
Կոմիտեից հայտնում են նաև, որ բենզինի և դիզելային վառելիքի գներն այս տարվա նոյեմբերին նախորդ տարվա նոյեմբերի համեմատ նվազել են համապատասխանաբար 1.4% և 1.2%–ով:
Բնակչությանը մատուցված ծառայությունների ոլորտում հաշվետու ժամանակահատվածում սակագներն աճել են 2.9%–ով:
Անդրադառնալով արտարժույթի շուկային` կոմիտեից նշել են, որ 2025 թ. նոյեմբերին հայկական դրամի նկատմամբ ԱՄՆ դոլարի միջին հաշվարկային փոխարժեքը կազմել է 382.0 դրամ, ինչը 1.8%–ով ցածր է 2024 թ. նոյեմբերի համապատասխան ցուցանիշից (389.0 դրամ):
Աղբյուրը՝ arm.sputniknews.ru
Հետևեք մեզ Facebook-ում