Փաշինյանի և Ադրբեջանի պատվիրակությունները հանդիպել են Ադրբեջանում

2025թ. նոյեմբերի 28-ին Ադրբեջանի Հանրապետության Գաբալա* քաղաքում Նիկոլ Փաշինյանի փոխվարչապետ Մհեր Գրիգորյանի և Ադրբեջանի Հանրապետության փոխվարչապետ Շահին Մուստաֆաևի նախագահությամբ տեղի է ունեցել ՔՊ-ական ռեժիմի և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողովի և սահմանազատման «պետական» հանձնաժողովի 12-րդ հանդիպումը: Այս մասին տեղեկանում ենք ՀՀ ԱԳՆ-ից։

Գոհունակությամբ (և մեծ ցնծությամբ, երևի) նշվել է, որ հանձնաժողովների 12-րդ հանդիպումը կայանում է կողմերից մեկի տարածքում՝ ադրբեջանական Գաբալա քաղաքում:

Հանդիպման ընթացքում կողմերը նշել են 2025թ. հունվարի 16-ի 11-րդ հանդիպման արդյունքներով ձեռք բերված պայմանավորվածությունը պետական սահմանի սահմանազատման համալիր աշխատանքները հյուսիսային հատվածից՝ Հայաստանի Հանրապետության, Ադրբեջանի Հանրապետության և Վրաստանի սահմանների հատման կետից և այնուհետև հարավային ուղղությամբ՝ հյուսիսից հարավ մինչև Հայաստանի Հանրապետության և Ադրբեջանի Հանրապետության սահմանն Իրանի Իսլամական Հանրապետության հետ սկսելու վերաբերյալ:

Կողմերը պայմանավորվել են աշխատանքային կարգով համաձայնեցնել հաջորդ հանդիպման անցկացման ամսաթիվը Հայաստանի Հանրապետության քաղաքներից մեկում:

--
Պարզ է, որ փաշինյանական ռեժիմը թուրքերին նորանոր հայկական տարածքներ է նվիրելու: 

*- Ի դեպ, Գաբալան նույնքան «ադրբեջանական» է, որքան, օրինակ, Պարտավը կամ Շուշին: Գաբալայի պատմական անվանումը Կուտկաշեն է, ավելի վաղ ժամանակներում Կուտկաշենի մոտակայքում է եղել Կապաղակը, որը համարվել է Աղվանքի մայրաքաղաքը: Եղել է Աղվանից մարզպանության կենտրոնը: