Պղծություն Հովհաննավանքում. Փաշինյանն ու «բերման ենթարկված» իր թիմակիցները, բազմաթիվ ոստիկաններով այնտեղ է

Երկրորդ կիրակին է՝ Նիկոլ Փաշինյանն իր թիմակիցների հետ մասնակցում է կարգալույծ հռչակված քահանա Ստեփան Ասատրյանի «պատարագին» Հովհաննավանքում։ Այս մասին հաղորդում է News.am-ը: 

Տարածքը, ինչպես նախորդ կիրակի, հսկում են մեծ թվով ոստիկաններ, որոնք գործնականում վերածվել են հանցակիցների, քանի որ Հովհաննավանքը Մայր Աթոռի տնօրինության ներքո է, իսկ Փաշինյանն ու նրա նախաձեռնած հակաեկեղեցական «ակցիայի» մասնակիցները ուղղակիորեն խախտում են իրական հոգևորականների ու իրական հայ քրիստոնյաների սահմանադրական իրավունքները: 
Նշենք նաև, որ Հովհաննավանքի տարածքում, առանձին նիկոլական սադրիչներ փորձում էին ճնշումներ գործադրել լրագրողների նկատմամբ, հնչեցնում էին սպառնալիքներ:  

Նշենք, որ «պատարագին» մասնակցելու համար ՔՊ–ական քաղաքապետները, մարզպետներն իրենց համայնքներից մարդկանց «են բերում»։