Սամվել Կարապետյանի կալանքի ժամկետը երկարաձգվեց 30 օրով

Գործարար, բարերար Սամվել Կարապետյանի կալանքը երկարաձգվեց 30 օրով։ Որոշումը կայացրել է Հակակոռուպցիոն դատարանը՝ Վահե Դոլմազյանի նախագահությամբ։ Դատավորն, այսպիսով, մասնակի է բավարարել քննիչի միջորդրությունը, ով  պահանջել էր ժամկետը երկարաձգել 2 ամսով։

«Դատարանն այսօր արձանագրեց, որ մեղադրանքի թե երկրորդ, թե երրորդ դրվագը նույնիսկ հիմնավոր կասկածի շեմը չեն հաղթահարել։

Իսկ ինչ վերաբերում է կոչերին, պատկերացումը կարծես այնպիսին է, որ այս մեկ ամիսը երկարաձգվում է մեկ տրամաբանությամբ, որ կամ ավարտեք այս գործը, ուղարկեք դատարան, կամ ընդհանրապես ավարտեք»,- ասաց Սամվել Կարապետյանի պաշտպան Արամ Վարդևանյանը։ 

Նա մանրամասնեց. «Տնտեսական բնույթի արարքները,  որոնք ի սկզբանե ասել են՝ աբսուրդ է,  արվում է մեկ նպատակով՝ 14- 15 հատոր գործ սարքեն, դատարանն այդ մասով համաձայվեց, բայց թե ինչպես է ստացվում կոչով 30 օր կալանքը շարունակվի  բացատրությունը չունենք»։ 

Հիշեցնենք, որ Կարապետյանի նկատմամբ հետապնդումները սկսվեցին հունիսի 17-ին երբ նա հարցազրույցում ի պաշտպանության եկեղեցու հայտարարություն էր արել. «Ես միշտ եղել եմ հայոց եկեղեցու կողքին ու հայ ժողովրդի կողքին։ Եթե քաղաքական գործիչներին չհաջողվի, ուրեմն մենք էլ մեր ձևով ենք մասնակցելու այդ ամեն ինչին»։  

Երևանի ընդհանուր իրավասության  քրեական դատարանի որոշմամբ հունիսի 18- ին Սամվել Կարապետյանը կալանավորվեց երկու մասով։  Օգոստոսի 15-ին Սամվել Կարապետյանի կալանքի ժամկետը 2 ամսով երկարաձգվեց։ Դատարանն արձանագրել էր, որ նրան մեղսագրվող տնտեսական բնույթի արարքների վերաբերյալ հաղթահարված չէ նույնիսկ հիմնավոր կասկածը: Բայց միաժամանակ հաստատված էր համարել մեղադրանքի այն մասը, որը Կարապետյանի՝ Մայր Աթոռը պաշտպանող հարցազրույցը որակել է որպես կոչ»

Ըստ մեղադրաքի, Սամվել Կարապետյանը զանգվածային լրատվության միջոցով հարցազրույց տալու ընթացքում հնչեցրել է կառավարության լիազորություններին տիրանալուն ուղղված հրապարակային կոչ:

Աղբյուրը` Panorama.am