Ի՞նչ գործ ունի հղի կինը «շարային» զորամասում. բարձիթողի վիճակ՝ Երևանի զորամասերից մեկի կանանց գումարտակում. ՊՆ-ն արձագանքել է
Ֆոտոլրագրող Գագիկ Շամշյանի հետ զրույցում զինծառայողը ասաց․ «Մեր զորամասում, որտեղ բոլորը կանայք են, վերադասը իրեն առավելություն է տվել և մեր հետ վարվում ու խոսում է այնպես ինչպես ցանկանում են։ Անգամ մարզումների ժամանակ հղիներին ստիպում են հագնել զրահաբաճկոն և զենք, զինամթերով վազել 3 կամ 10 կմ։
Մեր զորամասում հրամանատարությունը շատ վատ է վարվում զորքի հետ։ Վիրավորում են մեր արժանապատվությունը և պատիվը։
Մի անգամ ստիպված լքել եմ զորամասը, որ գնամ ՀՀ Պաշտպանության նախարարություն, որպեսզի տեղեկացնեմ թե ինչ է կատարվում, սակայն ճանապարհին ինձ զանգեցին Ռազմական ոստիկանությունից և գնացի պատմեցի ամեն ինչի մասին ու նրանք ասացին, որ իրենք քրեական գործ կբացվեն վերադասի վրա, սակայն այդպես էլ «սայլը տեղից չշարժվեց»։
Մեր զինծառայողները վախից ելնելով է, որ այսքան ժամանակ չեն բողոքել, բայց բոլորն էլ դժգոհում են։ Մեր սպայական կազմը մեզ անգամ ասում է, ոիր իրենց ռազմական ոստիկանությունով չվախեցնենք, նրանք ոչինչ են իրենց դեմ»։
ՀՀ Պաշտպանության նախարարությունը անդրադարձել է մամուլում շրջանառվող լուրերին։ Ըստ ԶԼՄ-ների՝ N զորամասի կին զինծառայողը պնդել է, որ վերադասն իրենց հետ վատ է վարվում։
ՀՀ ՊՆ-ն այդ առնչությամբ հաղորդում է․
«N զորամասի պայմանագրային զինծառայողը ՀՀ ՊՆ ռազմական ոստիկանությունում առերևույթ հանցանքի մասին հաղորդում է ներկայացրել։
Այն ուղարկվել է նախաքննական մարմին՝ քրեական վարույթ նախաձեռնելու հարցը լուծելու նպատակով»:
Հետևեք մեզ Facebook-ում