Մոտ 50 դիմում եմ գրել Փաշինյանին. Ղուկասյան

Գյումրու քաղաքապետ Վարդան Ղուկասյանը կարծում է, որ իր աշխատանքին խոչընդոտում են։ Այս մասին նա ասաց լրագրողների հետ զրույցում։ «Մոտ 50 դիմում եմ գրել ՀՀ վարչապետին, լուրջ խնդիրներ կան։

Ինձ պատասխան են տալիս, որ դիմումներն ուղարկեք մարզպետարան։ Երկրորդ քաղաքի քաղաքապետը չի կարող վարչապետին նամակ ուղարկել, պատկերացնո՞ւմ եք։

Հլը չինովնիկական դաստիարակությանը նայեք»,– ասաց Ղուկասյանը։ Նա բողոքեց, որ շինթույլտվություն տալը տևում է 2–4 տարի, այսինքն՝ «երկրի ղեկավարությունը խոչընդոտ է հանդիսանում, որ իր երկիրը զարգանա»․ «Գորածարան չեք կառուցում, ասում եք՝ կառավարության գործը չի, շուկա չեք գտնում, փոքր ու միջին բիզնեսին չեք խթանում, բա դուք ո՞վ եք, ինչի՞ եք եկել»,– ասաց քաղաքապետը։